headache meaning in tamilதலைவலியில் எத்தனை வகைகள் உள்ளன தெரியுமா?

headache meaning in tamilதற்போதைய காலக் கட்டத்தில் எல்லா வேலைகளும் கணினி மயம் ஆக்கப்பட்டுள்ளது. இதனால் நாம் நீண்ட நேரம் கணினியிலயே உட்கார்ந்து இருப்பது, வேலையில் ஏற்படும் மன அழுத்தம் இவைகள் காரணமாக நிறைய மக்கள் தலைவலி பிரச்னையை சந்திக்கின்றனர். இந்த தலைவலி பிரச்னை எல்லோருக்கும் ஒன்றாக இருப்பதில்லை. அவை வரும் இடங்களுக்கு பொருத்து இதன் தன்மையும் சிகிச்சை முறைகளும் மாறுபடுகின்றன.

தலைவலி

headache meaning in tamil

நாம் அடிக்கடி சந்திக்கும் ஒரு பெரிய பிரச்னை இந்த தலைவலி. தலைவலி வந்தா எந்த வேலையும் நம்மால் செய்ய முடியாது. அந்தளவுக்கு தலைவலி வேதனையை கொடுக்கக் கூடியது. ஏன் சில நேரங்களில் தலையை கழட்டி கீழே வைத்து விடலாம் என்பது போல் தோன்றும். மூளைக்குப் போகும் ரத்த ஓட்டம் சீராக இல்லாத போது, மன அழுத்தம் அதிகமான சமயங்களில் தலைவலி உண்டாகிறது. இதுவரை தலைவலி என்றால் சாதாரண தலைவலி, ஒற்றைத் தலைவலி என்ற 2 வகை தான் தெரியும். ஆனால் உண்மையில் தலைவலி வரும் இடத்தைப் பொறுத்து இதன் வகைகள் வேறுபடுகின்றன என்கிறார்கள் மருத்துவர்கள். அதைப் பொறுத்து சிகிச்சை கொடுப்பதன் மூலம் இந்த தலைவலியை சரி செய்ய முடியும் என்கிறார்கள். கண்களுக்கு ஓயாமல் வேலை கொடுக்கும் போதும் இந்த தலைவலி பிரச்னையை சந்திக்கின்றனர். இப்படி பல இடங்களில் தென்படும் தலைவலியின் வகைகளைப் பற்றியும் அதன் சிகிச்சை முறைகளைப் பற்றியும் இங்கே காணப்போகிறோம்.

headache meaning in tamilநம்முடைய உலக சுகாதார நிறுவன கூற்றுப்படி எல்லா மக்களும் புகார் அளிக்கும் விஷயம் என்றால் அது தலைவலி தான். பெரும்பாலான மக்கள் நேரத்திற்கு நேரம் இந்த தலைவலி தொல்லையால் அவதிப்பட்டு வருகிறார்கள். அதுமட்டுமல்லாமல் சில நேரங்களில் தலைவலி தீவிரமாகும் போது தாங்களாகவே வலி நிவாரணி மாத்திரைகளையும் அவர்கள் எடுத்துக் கொள்கிறார்கள்.

முழுமையாக எதையும் ஆராயாமல் நாமாகவே மாத்திரைகளை எடுத்துக் கொள்வது தவறு. அதுமட்டுமல்லாமல் எல்லாத் தலைவலியும் ஒன்று போல் கிடையாது. அது வரும் இடத்திற்கு ஏற்ப அதன் சிகிச்சையும் மாறுபடும் என்கிறார்கள் மருத்துவ வல்லுனர்கள்.

இப்படி தலைவலியின் வகைகளை பற்றி அறிந்து கொள்வதன் மூலம் அதன் தீவிர தன்மைக்கு ஏற்ப நம்மால் சிகிச்சை அளிக்க முடியும்.

ஒற்றைத்தலைவலி

headache meaning in tamilஒற்றைத் தலைவலி வந்தால் சாமான்யமாக போகாது. அது பல நாட்களுக்கு நீடிக்கும். தலைவலி ஒரு பக்கமாக இருக்கும். வெடுக்கு வெடுக்கு என்று துடிக்கும். வெளிச்சத்தை பார்க்கும் போதும் சத்தத்தை கேட்கும் போதும் எரிச்சலாக இருக்கும். ஏன் பல நேரங்களில் இந்த ஒற்றைத் தலைவலியால் வாந்தி, குமட்டல் கூட ஏற்படலாம்.

headache meaning in tamilஆண்களை விட பெண்களுக்குத் தான் இந்த ஒற்றைத் தலைவலி அதிகமாக அடிக்கடி வருகிறது. ஆண்களை விட பெண்களுக்கு மூன்று மடங்கு ஒற்றைத் தலைவலி வர வாய்ப்புள்ளது. அதிலும் இதற்கு முக்கிய காரணமாக மன அழுத்தம் உள்ளது. யாருக்கெல்லாம் மன அழுத்தம் அதிகமாக இருக்கிறார்களோ அவர்கள் இந்த ஒற்றைத் தலைவலியால் பாதிப்படைகின்றனர். இந்த ஒற்றைத் தலைவலி வர இன்னும் சில காரணங்கள் இருக்கின்றன. சரியாக தூங்காமல் இருப்பது, நேரத்திற்கு நேரம் உணவு சாப்பிடாமல் இருப்பது, போதிய நீர்ச்சத்தின்மை, ஹார்மோன் சமநிலையின்மை, அழற்சி போன்ற காரணங்களும் இந்த ஒற்றைத் தலைவலியை ஏற்படுத்துகின்றன.

இந்த ஒற்றைத் தலைவலி வருவதற்கு முன் கண்முன்னே விளக்குகள் ஒளிர்வது போன்று, ஜிக் ஜேக் கோடுகள், பளபளக்கும் லைட் வெளிச்சம், கருப்பு புள்ளிகள் அல்லது நட்சத்திர வடிவ புள்ளிகளை காண நேரிடலாம்.

நிவாரணம் என்ன?

இந்த ஒற்றைத் தலைவலியால் பாதிக்கப்பட்ட நபர்களில் 3-13 சதவீத மக்கள் வலி நிவாரணி மருந்துகளை எடுத்துக் கொள்கிறார்கள். இதில் 38 சதவீத பேருக்கு இந்த மருந்துகள் தேவைப்படுகின்றன. இந்த ஒற்றைத் தலைவலி 3 முதல் 6 நாட்களுக்கு நீடித்தால் நீங்கள் உடனே மருத்துவரை அணுகி தெளிவு பெறுவது நல்லது.

டென்ஷனால் தலைவலி

headache meaning in tamilசிலருக்கு டென்ஷன் வந்தாலே தலை வலிக்க ஆரம்பித்து விடும். இதை டென்ஷன் அதாவது பதற்ற தலைவலி என்கின்றனர். இந்த தலைவலி வெடுக் வெடுக்கென்று துடிப்பதில்லை. ஆனால் தலையைச் சுற்றி வலிக்க ஆரம்பித்து விடும். அப்படியே தலையை போட்டு அமுக்குவது போன்று தோன்றும். மன அழுத்தம் இருப்பவர்கள் இந்த தலைவலி பிரச்னையை சந்திக்கின்றனர். இந்த தலைவலிக்கு நீங்கள் மருத்துவர் பரிந்துரை சீட்டு இல்லாமல் நேரடியாக ஓ.டி.சி. மருந்துகளை வாங்கி பயன்படுத்த முடியும். ஆனால் இந்த தலைவலி நாள்பட்டு நீடித்தால் மருத்துவரை அணுகுவது நல்லது.

இந்த தலைவலி பொதுவாக நமக்கு சளி பிடித்த சமயங்களில் ஏற்படும். மண்டையில், சுவாச பாதையில் தேங்கி நிற்கும் சளியால் இந்த தலைவலி ஏற்படுகிறது. கண்கள், கன்னங்களில், பற்களில் அழுத்தத்தை உணர்வீர்கள். முக வலி இதன் அறிகுறியாகும். சில நேரங்களில் மூக்கடைப்பால் வாசனை இல்லாமல் போகும்.

என்ன சிகிச்சை?

headache meaning in tamilமுதலில் இந்த தலைவலிக்கு சிகிச்சை அளிக்க வேண்டும் என்றால் சளியை இளகச் செய்ய வேண்டும். நிறைய பேர்கள் ஒற்றைத் தலைவலியை தவறுதலாக சைனஸ் தலைவலி என்று புரிந்து கொள்கிறார்கள். ஆனால் சைனஸ் தலைவலிகளில் 90 சதவீதம் ஒற்றைத் தலைவலி வருகிற வாய்ப்பு இருக்கிறதாம்.

headache meaning in tamilதிடீரென இடி இடித்தாற் போல் தலை வலிக்க ஆரம்பிக்கும். அதனால் தான் இதை தண்டர்கிளாப் தலைவலி என்கின்றோம். 60 விநாடிகளுக்கு ஒரு முறை சுருக் சுருக்கென்று தலை குத்த ஆரம்பித்து விடும். இந்த தலைவலி 5 நிமிடங்களுக்கு நீடித்தால் கூட வலி தீவிரமாக இருப்பதால் உயிருக்கு ஆபத்தான சூழ்நிலையின் அறிகுறியாக இருக்கலாம். பக்கவாதம், மூளை இரத்தக் கசிவு, மூளையில் உள்ள ரத்த நாளங்கள் பலவீனம் ஆகுதல், மூளைத் தொற்று, மூளையில் உள்ள ரத்தக் குழாய் தடைப்படுதல், முதுகெலும்பு திரவ கசிவு போன்றவை வருவதற்கான அறிகுறிகளாக தலைவலி இருக்கலாம். இந்த மாதிரியான தலைவலி தென்பட்டால் உடனே மருத்துவரை அணுக வேண்டும்.

headache meaning in tamilஇந்த தலைவலி கண்களுக்கு பின் பகுதியில் ஏற்படுகிறது. ஒரு நேரத்தில் ஒரு கண்ணுக்கு பின்னால் வலியை ஏற்படுத்தும். வீக்கம், கண்கள் சிவந்து போதல், வியர்த்தல் இவற்றுடன் கண்கள் எரியும், வலி கடுமையாக இருக்கும். மூக்கடைப்பு, கண்களில் இருந்து கண்ணீர் வருதல் போன்ற அறிகுறிகளும் தென்படும். இந்த தலைவலி 15 நிமிடங்கள் இருந்து 3 மணி நேரம் வரை நீடிக்க கூடியது. சில நேரங்களில் ஒரு நாளைக்கு 4 தலைவலி வரைக் கூட உணர முடியும்.

வசந்த காலத்தில் இந்த தலைவலியை உணருவார்கள். பெண்களை விட ஆண்கள் இந்த தலைவலியால் அதிகம் பாதிப்படைகின்றனர். இந்த தலைவலிக்கு டாக்டரிடம் சென்று சிகி்ச்சை பெறுவதே சிறந்தது.

அழற்சி தலைவலி

headache meaning in tamilஅழற்சி தலைவலி பொதுவாக சுவாசப் பாதையில் ஏற்படும் அழற்சியால் உண்டாகிறது. இதன் அறிகுறிகளாக மூக்கு வடிதல், தும்மல் மற்றும் கண்ணீர் வடிதல் போன்ற பிரச்னைகளைச் சந்திப்பர். வசந்த காலத்தில் இந்த தலைவலி வருவது சகஜம். சில பொருட்கள் அழற்சி காரணத்தால் கூட இது ஏற்படலாம். எனவே உங்களுக்கு அழற்சியை ஏற்படுத்தும் பொருட்களிலிருந்து நீங்கள் தள்ளி இருக்க வேண்டும்.

இந்த அழற்சியால் ஏற்படுகின்ற தலைவலி பொதுவாக பருவ நிலைகள் மாறுகின்ற பொழுதெல்லாம் உண்டாகும். பருவ மாற்றங்களால் காற்றில் உண்டாகும் ஈரப்பதத்தின் தன்மைக்கு ஏற்ப நம்முடைய தகவமைத்துக் கொள்ள முயற்சிக்கின்ற பொழுது இந்த பிரச்னைகள் ஏற்படுகின்றன.12 பேர்களில் ஒருவர் இந்த தலைவலியை சந்திக்கின்றனர். காற்று அழுத்தத்தின் காரணமாக தலையின் ஒரு பக்கத்தில் வலி தூண்டப்படுகிறது. போதுமான நீர் அருந்துங்கள், மனதை அமைதியாக வைத்துக் கொள்ள வேண்டும். மேலும் OTC மருந்துகளை எடுப்பதன் மூலம் இதை கொஞ்சம் குறைக்க முடியும். உடலில் ஏற்படுகின்ற நீர்ச்சத்து குறைபாடு, வறட்சி ஆகியவற்றின் காரணமாக உங்கள் உடல் காற்றால் அதிக அழுத்தத்துக்கு ஆளாக நேரிடும். அதுபோன்ற சமயங்களில் நெற்றியின் மேல்புறத்தில் இருந்து ஏதோ ஊறிக்கொண்டிருப்பது போல தோன்றும் தலைவலி ஆரம்பிக்கும். இப்படி ஆவதற்கு மிக முக்கியக்காரணமே உங்களுடைய உடலில் போதிய நீர்ச்சத்து இல்லாதது தான். அதை முதலில் சரி செய்ய வேண்டும்.

உடற்பயிற்சி தலைவலி

headache meaning in tamilஅமெரிக்க ஒற்றைத் தலைவலி அறக்கட்டளை கருத்துப் படி உடற்பயிற்சி போன்ற தீவிர செயல்களில் ஈடுபடும் போது இந்த தலைவலி ஏற்படும். தீவிரமாக இருந்தால் 5 நிமிடங்கள் முதல் 3 நாட்கள் வரைக் கூட நீடிக்கும். இந்த தலைவலி வருவதற்கு அரிதானதாக இருந்தாலும் 6 மாதங்களுக்கு பிறகு போய் விடும். இந்த தலைவலி ஒரு பக்கம் அல்லது இரண்டு பக்கமும் இருக்கலாம். மேலும் இது குமட்டல், வாந்தியை ஏற்படுத்தக் கூடும். சுருக் சுருக்கென்று தலைவலி குத்தும். எனவே இந்த தலைவலியை தூண்டும் செயல்களை செய்வதற்கு முன் ஒரு சிறு தூக்கத்தை போட்டு ரிலாக்ஸ் செய்து விட்டு ஆரம்பியுங்கள் எல்லாம் சரியாகி விடும்.