சின்னத்திரை பிரபலத்திற்கு சிவகார்த்திகேயனின் தங்கையாக நடிக்க வாய்ப்பு

vijay tv celebrity becomes Sivakarthikeyan's sister in maaveeran-தமிழ் திரை உலகில் முன்னணி நடிகராக திகழ்ந்து வருபவர் நடிகர் சிவகார்த்திகேயன். இவர் நடிப்பில் வெளியான திரைப்படங்கள் தொடர்ந்து வசூல் சாதனைகளை நிகழ்த்தி வருகிறது.

அந்த வகையில் சிவகார்த்திகேயன் நடித்து கடைசியாக வெளியான டான் மற்றும் டாக்டர் திரைப்படங்கள் உலக அளவில் ரூ. 100 கோடிக்கும் மேல் வசூலை குவித்து சாதனை படைத்து உள்ளது. மேலும் அப்படங்களை தொடர்ந்து சிவகார்த்திகேயன் ப்ரின்ஸ் திரைப்படத்தில் நடித்து வந்தார். பெரிய எதிர்பார்ப்பை ஏற்படுத்தியுள்ள அப்படம் வரும் தீபாவளி அன்று வெளியாக இருக்கிறது.

இதற்கிடையே சமீபத்தில் சிவகார்த்திகேயனின் மாவீரன் திரைப்படத்தின் அதிகாரபூர்வ அறிவிப்பு வெளியாகி தற்போது ஷூட்டிங் நடைபெற்று வருகிறது. இதில் சிவகார்த்திகேயனுக்கு ஜோடியாக நடிகை அதிதி ஷங்கர் நடிக்கிறார் என்பது குறிப்பிடத்தக்கது.

மேலும் இப்படத்தில் சிவகார்த்திகேயனுக்கு தங்கையாக யார் நடிப்பது என்பது குறித்த தகவல் வெளியாகியுள்ளது. ஆம், விஜய் டிவி நிகழ்ச்சியில் கலந்து கொண்டு பிரபலமானவர் மோனிசா பிளசி. இவர் மாவீரன் திரைப்படத்தில் சிவகார்த்திகேயனுக்கு தங்கை கதாபாத்திரத்தில் நடிப்பதாக தகவல் பரவி வருகிறது.