முதல்வர் ஸ்டாலின் - நடிகர் பாக்யராஜ் சந்திப்பு

அதன்பின், செய்தியாளர்களிடம் பாக்யராஜ் கூறியதாவது:

மறைந்த முன்னாள் முதல்வர் கருணாநிதியின் எழுத்தினால் எம்.ஜி.ஆர் புரட்சி நடிகராகவும், சிவாஜி நடிகர் திலகமாகவும் உருவாக முடிந்தது. நான் தனிப்பட்ட முறையில் கருணாநிதியின் எழுத்தை அதிகம் ரசிப்பவன். என்னுடைய எழுத்தை அதிகம் மதித்தவர் கருணாநிதி. அவருடனான நட்பு நீண்ட காலமாக இருந்தது. கருணாநிதி, எம்.ஜி.ஆர். ஆகிய இரண்டு பேரின் நிகழ்வுகளிலும் சரிசமமாக பங்கேற்றவன் நான்.

சமீப காலமாக எழுத்தாளர்களின் பங்களிப்பு குறைந்துள்ளது. கதை இலாகா என்பதே இல்லாத நிலை ஏற்பட்டுள்ளது. பிறமொழி படங்களின் தாக்கம் இருப்பதால், அதை நோக்கி சில இயக்குநர்கள் படம் எடுக்கின்றனர். வெற்றி மாறன் போன்றோர் நாவலை மையப்படுத்தி சிறப்பான படங்களை எடுகின்றனர். தமிழ்த் திரை உலகில் எழுத்தாளர்களுக்கு தட்டுப்பாடு ஏற்பட்டுள்ளது உண்மைதான். தமிழ் நடிகர்கள் படங்கள் ஆந்திராவிலும், இந்தியிலும் அதிகம் ஓடும் நிலை இன்று ஏற்பட்டுள்ளது.

இவ்வாறு அவர் கூறினார்.