திருவண்ணாமலை மாவட்டத்தில் அண்ணாவின் 53வது நினைவு தினம் அனுசரிப்பு

மறைந்த முதல்வர் அண்ணாவின் 53 ஆவது நினைவு தினம் திருவண்ணாமலையில் திமுக சார்பில் அவரது திருவுருவ சிலைக்கு அஞ்சலி செலுத்தும் நிகழ்ச்சி இன்று நடைபெற்றது.

இந்நிகழ்ச்சியில் பொதுப்பணித்துறை அமைச்சர் எ வ.வேலு, தமிழக சட்டமன்ற துணை சபாநாயகர் பிச்சாண்டி, ஆகியோர் அண்ணாவின் திருவுருவச் சிலைக்கு மாலை அணிவித்து மரியாதை செலுத்தினர்.

திமுக மாநில மருத்துவர் அணி துணைத் தலைவர் மருத்துவர் எ.வ.வே. கம்பன், முன்னாள் நாடாளுமன்ற உறுப்பினர் வேணுகோபால், முன்னாள் நகரமன்ற தலைவர் ஸ்ரீதரன், நகர கழக செயலாளர் கார்த்திக் வேல்மாறன் , மாவட்ட கலை இலக்கிய பகுத்தறிவு பேரவையின் அமைப்பாளர் டி.வி.எம்.நேரு, மற்றும் திமு கழக உறுப்பினர்கள், பொதுமக்கள் கலந்து கொண்டனர்.

செங்கம் சட்டமன்ற உறுப்பினர் மு.பெ.கிரி செங்கத்திலும், கலசப்பாக்கம் சட்டமன்ற உறுப்பினர் பெ.சு.தி.சரவணன் கலசப்பாக்கத்திலும், அண்ணாவின் திருவுருவச் சிலைக்கு மாலை அணிவித்து மரியாதை செலுத்தினர்.