தேனி கலெக்டர் அலுவலகத்தில் குறைந்த விலை மீன் சாப்பாடு விற்பனை

தேனி மாவட்ட மீன்வளம் மற்றும் மீனவர் நலத்துறை சார்பில் தேனி கலெக்டர் அலுவலகத்தில் திங்கள் கிழமை தோறும் மீன் சாப்பாடு விற்பனை தொடங்கப்பட்டுள்ளது.

திங்கள் தோறும் நடைபெறும் மக்கள் குறைதீர்க்கும் நாள் முகாமில் பங்கேற்கும் மக்களுக்கு குறைந்த விலையில் தரமான மீன் உணவு வழங்க வேண்டும் என கலெக்டர் முரளீதரன் மீன்வளம் மற்றும் மீனவர் நலத்துறையினை அறிவுறுத்தினார். இதனை ஏற்று நவீன மீன் விற்பனைகம் மூலம் இன்று கலெக்டர் அலுவலகத்தில் மீன் சாப்பாடு விற்பனை தொடங்கப்பட்டது.

இங்கு மீன் சாப்பாடு, பொறித்த மீன் குறைந்த விலையில் விற்கப்படுகிறது. திங்கள் கிழமை தோறும் இங்கு குறைந்த விலை மீன்சாப்பாடு கிடைக்கும் என அதிகாரிகள் தெரிவித்தனர்.