கொசுவலை போர்த்தியபடி வாக்கு சேகரிப்பில் ஈடுபட்ட கம்யூனிஸ்ட் வேட்பாளர்

காஞ்சிபுரம் மாநகராட்சி நகர்ப்புற உள்ளாட்சி தேர்தலில் போட்டியிட உள்ள வேட்பாளர்கள் தங்களுக்கு ஆதரவாக வாக்கு சேகரிப்பில் ஈடுபட்டு வருகின்றனர்.

ஞாயிற்றுக்கிழமை விடுமுறை தினம் என்பதால் தொழிற்சங்க பிரதிநிதிகள் , கட்சி நிர்வாகிகள் படை சூழ வலம் வந்து வாக்கு சேகரித்து வருகின்றனர். அவ்வகையில் காஞ்சிபுரம் மாநகராட்சிக்குபட்ட 35 வார்டு பகுதியில் திமுக கூட்டணி கட்சி மார்க்சிஸ்ட் கம்யூனிஸ்ட் கட்சி சார்பாக கிரிஜா போட்டியிடுகின்றார்.

காஞ்சிபுரம் நகரில் வரும் கொசு தொல்லையால் பல்வேறு நோய்களில் அவதிப்பட்டு வருகின்றனர். எனவே காஞ்சிபுரம் மாநகராட்சிக்குட்பட்ட 35 வது வார்டில் அனைத்து பகுதிகளிலும் சுகாதாரம் காக்கப்படும் நிலவும் தேங்கிநிற்கும் கழிவுநீர் மற்றும் குடிநீர் தொட்டிகள் அருகே முறையான பராமரிப்பு மேற்கொள்ளப்பட்டு கொசு ஒழிப்பு முன்னுரிமை அளிக்கப்படும் என கூறி கொசுவலையை போர்த்தியபடி பொதுமக்களிடம் வாக்கு சேகரிப்பில் ஈடுபட்டார். மேலும் அப்பகுதியில் தேவையான அடிப்படை வசதிகள் நிறைவேற்றப்படும் எனவும் முக்கியமாக குடிநீர் சாலை வசதிகள் மேம்படுத்தப்படும் வாக்குறுதி அளித்து வாக்கு சேகரிப்பில் தனது தொண்டர்களுடன் ஈடுபட்டு வருகிறார்.