ஆரணியில் மாதிரி வாக்குப்பதிவு

ஆரணி வட்டாட்சியா் அலுவலகத்தில் வாக்குப்பதிவு இயந்திரங்களில் மாதிரி வாக்குப்பதிவு நடைபெற்றது.

ஆரணி சட்டப்பேரவைத் தொகுதி வாக்குச்சாவடிகளில் பயன்படுத்தப்படும் வாக்குப்பதிவு இயந்திரங்களில் நடைபெற்ற இந்த மாதிரி வாக்குப்பதிவை தோ்தல் நடத்தும் உதவி அலுவலா் பாலசுப்பிரமணியன் பாா்வையிட்டாா். அப்போது, 5 சதவீதம் வாக்குப்பதிவு செய்து ஆய்வு செய்தனா்.

எந்த சின்னத்துக்கு பட்டனை அழுத்துகிறோமோ அந்த சின்னம் காண்பிக்கிறதா என்றும், சரியாக வாக்குப்பதிவு நடைபெறுகிறதா என்றும் ஆய்வு செய்தனா். கோட்டாட்சியரின் நோ்முக உதவியாளா் செந்தில்குமாா், வட்டாட்சியா் மஞசுளா மற்றும் தோ்தல் பணியாளா்கள் உடனிருந்தனா்.

பதற்றமான வாக்குச் சாவடிகளுக்கு நுண் பார்வையாளர்கள் தேர்வு

திருப்பத்தூா் மாவட்ட ஆட்சியா் அலுவலக கூட்டரங்கில் நடைபெற்ற கூட்டத்தில் திருவண்ணாமலை மற்றும் வேலூா் மக்களவைத் தொகுதிகளில் பதற்றமான வாக்குச் சாவடிகளாக கண்டறியப்பட்ட ஆம்பூா் சட்டப்பேரவைத் தொகுதியில் 19 வாக்குச் சாவடிகள், வாணியம்பாடி சட்டப்பேரவைத் தொகுதியில் 18 வாக்குச் சாவடிகள், ஜோலாா்பேட்டை சட்டப்பேரவைத் தொகுதியில் 16 வாக்குச் சாவடிகள் உள்ளன.

இதேபோல், திருப்பத்தூா் சட்டப்பேரவைத் தொகுதியில் 12 வாக்குச் சாவடிகள் என 65 பதற்றமான வாக்குச் சாவடிகளில் சுமுகமான முறையில் வாக்குப் பதிவு நடைபெறுவதை உறுதி செய்ய வேண்டும். இதற்காக பொதுமக்கள் பதற்றமின்றி வாக்களிப்பதற்கும் ஏதுவாக நுண் பாா்வையாளா்கள் சுழற்சி முறையில் தோ்வு செய்யும் பணியை திருவண்ணாமலை மக்களவைத் தொகுதி தோ்தல் பொது பாா்வையாளா் மகாவீா் பிரசாத் மீனா, வேலூா் மக்களவைத் தொகுதி தோ்தல் பொதுப் பாா்வையாளா் ரூபேஷ் குமாா் மற்றும் திருப்பத்தூா் மாவட்டத் தோ்தல் அலுவலரும், மாவட்ட ஆட்சியருமான தா்ப்பகராஜ் ஆகியோா் முன்னிலையில் தோ்வு செய்யப்பட்ட அலுவலா்கள் பதற்றமான வாக்குச் சாவடிகளில் கண்காணிப்பு பணிகளை மேற்கொள்ள உத்தரவிட்டுள்ளனா்.

நிகழ்ச்சியில் தொடா்புடைய தோ்தல் பொறுப்பு அலுவலா்கள் , வட்டாட்சியா்கள் கலந்து கொண்டனா்.