மின்சார வயரை மாற்றியமைக்க கொமதேக ரூ.4.76 லட்சம் நன்கொடை

நாமக்கல் நகராட்சிக்கு உட்பட்ட, போதுப்பட்டி அரசு உயர்நிலை பள்ளியின் குறுக்கே செல்லும், உயர் மின்னழுத்த கம்பியை, மாணவர்களின் பாதுகாப்பிற்காக மாற்றுப்பாதையில் அமைக்க வேண்டும் என்று மின்வாரியத்திடம் மனு அளிக்கப்பட்டது. அந்த இடத்தை அளவீடு செய்த மின்சார வாரியம், ரூ.4,76,480 கட்டணம் செலுத்த வேண்டும் என்று கேட்பு நோட்டீஸ் அளித்தது.

இந்த தொகையை மின்வாரியத்திற்கு செலுத்த, நாமக்கல் எம்.பி சின்ராஜ் ஏற்பாடு செய்தார். அவரது சம்பளத்தில் இருந்தும், பொதுமக்களின் பங்களிப்படனும், மின்சார கட்டணத்திற்கான தொகை ஏற்பாடு செய்யப்பட்டது. அந்த தொகைக்கான பேங்க் டிமாண்ட் டிராப்ட்டை, நாமக்கல் தெற்கு மாவட்ட கொமதேக செயலாளர் மாதேஸ்வரன், மாநில செயற்குழு உறுப்பினர் துரை ஆகியோர் பள்ளி தலைமை ஆசிரியரிடம் வழங்கினார்கள்.