அரியலூர்: நகர்ப்புற உள்ளாட்சி தேர்தல் வாக்காளர் பட்டியல் வெளியீடு

அரியலூர் மாவட்டம் நகர்ப்புற உள்ளாட்சி தேர்தலுக்கான வாக்காளர் பட்டியலை மாவட்ட கலெக்டர் பெ.ரமண சரஸ்வதி வெளியிட்டார்.

அரியலூர் மாவட்ட ஆட்சியர் அலுவலகக் கூட்டரங்கில், நகர்ப்புற உள்ளாட்சி தேர்தல் 2021-க்கான வாக்காளர் பட்டியலை மாவட்ட கலெக்டர் பெ.ரமண சரஸ்வதி, அங்கீகரிக்கப்பட்ட அரசியல் பிரதிநிதிகள் முன்னிலையில் இன்று (09.12.2021) வெளியிட்டார்.

அதன்படி அரியலூர் மாவட்டத்திற்குட்பட்ட 2 நகராட்சிகள் மற்றும் 2 பேரூராட்சிகளில் 33172 ஆண் வாக்காளர்கள், 35523 பெண் வாக்காளர்கள் ஆக மொத்தம் 68695 வாக்காளர்கள் அடங்கிய வாக்காளர் பட்டியலை மாவட்ட கலெக்டர் பெ.ரமண சரஸ்வதி வெளியிட்டார்.

இந்நிகழ்வில், மாவட்ட ஆட்சியரின் நேர்முக உதவியாளர் (தேர்தல்) ரகு, வட்டார வளர்ச்சி அலுவலர் ராஜா மற்றும் அரசியல் கட்சி பிரதிநிதிகள் கலந்துகொண்டனர்.