நெல்லை மாவட்ட மக்கள் குறை தீர்க்கும் கூட்டத்தில் 300க்கும் மேற்பட்ட மனுக்கள்
நெல்லை மாவட்ட மக்கள் குறை தீர்க்கும் நாள் கூட்டத்தில் 300க்கும் மேற்பட்ட மனுக்கள் பெறப்பட்டன.
HIGHLIGHTS
பயனாளி ஒருவருக்கு தையல் எந்திரம் வழங்கினார் நெல்லை கலெக்டர் விஷ்ணு.
திருநெல்வேலி மாவட்ட ஆட்சியர் அலுவலக வளர்ச்சி மன்ற கூட்டரங்கில், மக்கள் குறைதீர்க்கும் நாள் கூட்டம் மாவட்ட ஆட்சித் தலைவர் வே.விஷ்ணு தலைமையில் இன்று 18.04.2022 நடைபெற்றது.
இக்கூட்டத்தில், பொதுமக்களிடம் இருந்து மாற்றுத்திறனாளிகள் உதவித்தெகை, முதிர்கன்னி உதவித்தொகை, விபத்துமரண உதவித்தொகை, இலவச வீட்டுமனை பட்டா, பட்டா மற்றும் பட்டா மாறுதல் வேலைவாய்ப்பு, மற்றும் குடிநீர், சாலை வசதிகள் உள்ளிட்ட பல்வேறு கோரிக்கைகள் தொடர்பான சுமார் 300க்கும் மேற்பட்ட மனுக்கள் பெறப்பட்டது. இம்மனுக்களை மாவட்ட ஆட்சித் தலைவர் சம்பந்தப்பட்ட துறை அலுவலர்களிடம் ஒப்படைத்து மனுக்களை பரிசீலனை செய்ய உரிய நடவடிக்கை எடுக்குமாறு மாவட்ட ஆட்சித் தலைவர் உத்தரவிட்டார்.
மேலும் முதலமைச்சரின் தனிப்பிரிவுகள் மனுக்கள் மீது தனிக்கவனம் செலுத்தி நடவடிக்கை எடுக்குமாறு மாவட்ட ஆட்சியர் வே.விஷ்ணு அறிவுறுத்தினார்.
முன்னதாக மக்கள் குறை தீர்க்கும் நாள் கூட்டத்திற்கு மனு அளிக்க வந்த மாற்றுத்திறனாளிகளை இருக்கையில் அமரவைத்து அவர்களது இருக்கைக்கு சென்று அவர்களது கோரிக்கைகளை கனிவுடன் கேட்டறிந்து கோரிக்கை மனுக்களை பெற்றுகொண்டு மனுக்கள் மீது உடனடியாக நடவடிக்கை எடுக்குமாறு சம்மந்தப்பட்ட துறை அலுவலர்களுக்கு உத்தரவிட்டார்.
இலவச தையல் இயந்திரம் கேட்டு விண்ணப்பித்திருந்த 10 பயனாளிகளுக்கு சமூக நலன் மற்றும் மகளிர் உரிமைத்துறை வாயிலாக சத்திய வாணிமுத்து அம்மையார் நினைவுத் திட்டத்தின் கீழ் ரூ.60ஆயிரம் மதிப்பிலான இலவச தையல் இயந்திரங்களை மாவட்ட ஆட்சியர் விஷ்ணு வழங்கினார்.
இக்கூட்டத்தில் தனித்துணை ஆட்சியர் சமூக பாதுகாப்புத் திட்டம்(பொ) ஷேக் அயூப் ,மாவட்ட சமூக நலன் மற்றும் மகளிர் நல அலுவலர் சரஸ்வதி உட்பட அலுவலர்கள் கலந்து கொண்டனர்.
