ஊராட்சி ஒன்றிய அலுவலகத்தை முற்றுகையிட முயன்ற நாம் தமிழர் கட்சியினர் கைது

தென்காசிமாவட்டம் குணராமநல்லூர் ஊராட்சி உட்பட்ட மேலமெஞ்ஞானபுரத்தில் தனியார்க்கு சொந்தமான கல்குவாரி செயல்பட்டு வருகின்றது. இந்த கோரியில் இரவு நேரங்களில் வெடி வெடிப்பதால் குடியிருப்பு பகுதியில் மிகுந்த பாதிப்பு அடைந்து வருவதாகவும் அளவுக்கு அதிமாக கனிமங்களை வெட்டி எடுப்பதால் நிலத்தடி நீர் பாதிக்கும் நிலை ஏற்படுகிறது என இப்பகுதி மக்கள் மாவட்ட நிர்வாகத்திற்கு பலமுறை கல்குவாரியை மூட மனு கொடுத்தும் எந்த நடவடிக்கையும் எடுக்கவில்லை என குற்றம் சாட்டுகின்றனர்.

இந்த நிலையில் குணராமநல்லூர் ஊராட்சி ஒன்றிய அலுவலகத்தை நாம் தமிழர் கட்சியின் மாவட்ட செயலாளர் அருண் சங்கர் தலைமையில், ஊழல் ஒழிப்பு பேரமைப்பு செயலாளர் ஜோசப் முன்னிலையில் கல் குவாரியை நிரந்தரமாக மூடக்கோரி 50க்கும் மேற்பட்டோர் கண்டன கோஷங்கள் எழுப்பியவாறு முற்றுகை போராட்டத்தில் ஈடுபட்டனர். அப்போது, கொரோனா தொற்று பரவல் அதிகரித்து வரும் நிலையில் அரசு உத்தரவை மீறி ஒன்றுகூடி முற்றுகையில் ஈடுபட்டதால் குற்றாலம் போலீசார் கைது செய்து விசாரணை நடத்தி வருகின்றனர்