ரயில்வே துறையை கண்டித்து விரைவில் போராட்டம்: ஏஐஓபிசி முடிவு

பிற்படுத்தப்பட்ட மக்களுக்கு ஒதுக்கீடு படி வேலை வாய்ப்பை வழங்காத தென்னக ரயில்வே துறையை கண்டித்து விரைவில் போராட்டம். குற்றாலத்தில் நடந்த AlOBC சங்க செயற்குழு கூட்டத்தில் முடிவு.

தென்காசி மாவட்டம் குற்றாலத்தில் உள்ள தனியார் விடுதியில் வைத்து ரயில்வே துறையின் AlOBC சங்கத்தின் மதுரை கோட்ட செயற்குழு கூட்டம் இன்று நடந்தது. கூட்டத்திற்கு மதுரை கோட்ட தலைவர் அருணாசலம் தலைமை வகித்தார். கோட்ட செயலாளர் செல்வக்குமார் முன்னிலை வகித்தார்.

கூட்டத்தில் சங்கத்தின் பொதுச் செயலாளர் டாக்டர் அப்சல், பொதுச் செயலாளர் தனசேகர் ஆகியோர் பங்கேற்று சிறப்புரையாற்றி பேசினார்கள். மேலும் இந்தக் கூட்டத்தில் இரயில்வேத்துறையில் தென்னக ரயில்வே நிர்வாகம் பிற்படுத்தப்பட்டவர்களுக்கான இட ஒதுக்கீட்டை முறையாக செயல்படுத்தாமல் இருந்து வருகிறது. இதைக் கண்டிக்கும் வகையில் AlOBC சங்கத்தின் சார்பில் ஒவ்வொரு கோட்டத்தின் முன்பும் கண்டன ஆர்ப்பாட்டமும் இதனைத் தொடர்ந்து தென்னக ரயில்வேத்துறை அலுவலகம் முன்பு விரைவில் மாபெரும் கண்டன ஆர்ப்பாட்டம் நடத்துவது என்று செயற்குழு கூட்டத்தில் தீர்மானம் நிறைவேற்றப்பட்டது. இந்தக் கூட்டத்தில் மதுரைக் கோட்டத்தைச் சேர்ந்த நிர்வாகிகள் 100க்கும் மேற்பட்டோர் கலந்து கொண்டனர்.