நாமக்கல் அரசு பள்ளி மாணவர்களுக்கு விலையில்லா சைக்கிள்: எம்எல்ஏ வழங்கல்
நாமக்கல் தெற்கு அரசு ஆண்கள் மேல்நிலைப்பள்ளியில்படிக்கும் மாணவர்களுக்கு, எம்எல்ஏ ராமலிங்கம் விலையில்லா சைக்கிள்களை வழங்கினார்.
HIGHLIGHTS
நாமக்கல் தெற்கு அரசு ஆண்கள் மேல்நிலைப்பள்ளியில்படிக்கும் மாணவர்களுக்கு, எம்எல்ஏ ராமலிங்கம் விலையில்லா சைக்கிள்களை வழங்கினார்.
தமிழ்நாடு அரசின் பள்ளிக் கல்வித் துறையின் சார்பில் தமிழகத்தில் உள்ள அரசு மற்றும் அரசு உதவி பெறும் பள்ளிகளில், பிளஸ் 1, பிளஸ் 2 படிக்கும் மாணவ மாணவிகளுக்கு விலையில்லா சைக்கிள்கள் வழங்கப்பட்டு வருகிறது. இதையொட்டி, நாமக்கல் மோகனுர் ரோட்டில் அமைந்துள்ள தெற்கு அரசு ஆண்கள் மேல்நிலைப்பள்ளியில், தமிழக அரசின் விலையில்லா சைக்கிள்கள் வழங்கும் விழா நடைபெற்றது. விழாவிற்கு பள்ளி தலைமை ஆசிரியர் பெரியண்ணன் தலைமை வகித்தார். நாமக்கல் எம்எல்ஏ ராமலிங்கம் நிகழ்ச்சியில் கலந்துகொண்டு பள்ளியில் பிளஸ் 2 படிக்கும், 153 மாணவர்களுக்கு விலையில்லா சைக்கிள்களை வழங்கி பேசினார்.
நாமக்கல் நகராட்சித் தலைவர் கலாநிதி, நகர்மன்ற உறுப்பினர்கள் டாக்டர் விஜய் ஆனந்த், சகுந்தலா, உதவி தலைமை ஆசிரியர் ராமு, ஆசிரியர்கள் ஜெகதீசன், சுமதி, மாவட்ட சுற்றுச்சூழல் அணி துணை அமைப்பாளர் உமாசங்கர், மாவட்ட கூடைப்பந்து சங்க தலைவர் நடராஜன், பள்ளி மேலான்மை குழு தலைவர் தமிழ்வாணி மற்றும் ஆசிரியர்கள் மாணவர்கள் உள்ளிட்ட பலர் நிகழ்ச்சியில் கலந்துகொண்டனர்.