காவலர் பயிற்சி பள்ளியில் மன அழுத்தத்தை குறைக்க யோகா பயிற்சி

காஞ்சிபுரம் மாவட்ட ஆட்சியர் அலுவலக வளாகம் அருகே காவலர் பயிற்சி பள்ளி காஞ்சிபுரம் மாவட்ட காவல்துறை சார்பில் நடத்தப்படுகிறது. இதில் தற்போது 150 க்கும் மேற்பட்ட காவலர்கள் தங்கள் பயிற்சிகளை பெற்று வருகின்றனர்.

இந்நிலையில் கடந்த சில தினங்களும் முன்பு இங்கு பயிற்சி பெற்று வந்த காவலர் உடல்நிலை குறைவு காரணமாக எனது சொந்த ஊருக்கு விடுமுறையில் சென்றபோது மன அழுத்தம் காரணமாக தூக்கிட்டு தற்கொலை செய்து கொண்டார். இந்நிலையில் மாவட்ட காவல் கண்காணிப்பாளர் டாக்டர் எம்.சுதாகர் பயிற்சி கல்லூரி மாணவர்களிடையே மன அழுத்த முதல் குறித்த சிறப்பு விளக்க உரை அளித்தார்.

மேலும் பயிற்சி கல்லூரி மற்றும் தனிப்பட்ட முறையில் தங்களது பிரச்சினைகள் ஏதுவானாலும் மாவட்ட காவல் துறைக்கு தெரிவிக்கலாம் எனவும் அதன் மூலம் சிறப்பான மனநல அழுத்தம் குறைக்கும் வகையில் சிறப்பு பயிற்சி, ஆலோசனைகள் வழங்கப்படும் என தெரிவித்தார். மேலும் அனைத்து பயிற்சி காவலர்களுக்கும் சிறப்பு யோகா ஆசிரியர்கள் மூலம் யோகா பயிற்சி மற்றும் மன அழுத்தம் குறைக்கும் ஆலோசனைகள் வழங்கப்பட்டது. பயிற்சியில் நூற்றுக்கும் மேற்பட்ட பயிற்சி காவலர்கள் இந்நிகழ்வில் கலந்து கொண்டு யோகா பயிற்சி பெற்றனர்.