ஈரோடு மாவட்டத்தில் 14-வது கட்ட முகாமில் 76 ஆயிரம் பேருக்கு தடுப்பூசி
ஈரோடு மாவட்டம் முழுவதும் 475 மையங்களில் 1.50 லட்சம் பேருக்கு தடுப்பூசி செலுத்த இலக்கு நிர்ணயிக்கப்பட்டது
HIGHLIGHTS
தமிழகத்தில் கொரோனா தாக்கத்தை குறைக்கும் வகையில் தடுப்பூசி போடும் பணி முடுக்கி விடப்பட்டுள்ளது. 18 வயது நிரம்பிய அனைவர்களுக்கும் தடுப்பூசி போடப்பட்டு வருகிறது. இந்நிலையில், தடுப்பூசி போடும் பணிகளை துரிதப்படுத்தும் வகையில் மெகா தடுப்பூசி முகாம் நடைபெற்று வருகிறது. இதுவரை 13 கட்ட தடுப்பூசி முகாம் நடைபெற்று முடிவடைந்து ள்ளது. இந்நிலையில் 14-வது கட்ட தடுப்பூசி முகாம் இன்று தமிழகம் முழுவதும் நடந்தது.
ஈரோடு மாவட்டத்தில் 14-வது கட்ட தடுப்பூசி முகாமானது இன்று சனிக்கிழமை நடைபெற்றது. ஈரோடு மாவட்டம் முழுவதும் 475 மையங்களில் 1.50 லட்சம் பேருக்கு தடுப்பூசி செலுத்த இலக்கு நிர்ணயிக்கப்பட்டு தடுப்பூசி போடும் பணி நடந்தது. இன்று நடைபெற்ற மாபெரும் தடுப்பூசி முகாமில் மாவட்டம் முழுவதும் 76 ஆயிரம் பேருக்கு தடுப்பூசி செலுத்தப்பட்டதாக சுகாதார துறையினர் தெரிவித்துள்ளனர்.
