தென்காசி நாடாளுமன்ற திமுக வேட்பாளர் ராணி ஸ்ரீகுமார்

Tenkasi Constituency DMK Candidate

தென்காசி நாடாளுமன்ற தொகுதியில் தென்காசி, கடையநல்லூர்,வாசுதேவநல்லூர், சங்கரன்கோவில், ராஜபாளையம்,ஸ்ரீவில்லிபுத்தூர் என மூன்று பொதுத் தொகுதியும்,மூன்று தனி தொகுதியும் உள்ளடக்கியது.

இந்தத் தொகுதியில் மொத்தம் 15 லட்சத்து 16 ஆயிரத்து 183 பேர் வாக்காளர்களாக உள்ளனர். இதில் ஆண் வாக்காளர்கள் 7,42, 158 பேர். பெண் வாக்காளர்கள் 7,73,822 பேர். மூன்றாம் பாலினத்தவர் 203 பேர். இந்தத் தொகுதியில் ஆண்களை விட பெண்கள் 31,664 அதிகம் உள்ளனர்.

கடந்த தேர்தலில் இங்கு திமுக சார்பில் போட்டியிட்ட தனுஷ் குமார் 4 லட்சத்து 76 ஆயிரத்து 156 வாக்குகள் பெற்றார். இவரை எதிர்த்து போட்டியிட்ட அதிமுக கூட்டணி வேட்பாளர் கிருஷ்ணசாமி 3 லட்சத்து 55 ஆயிரத்து 870 வாக்குகள் பெற்று தனுஷ் குமாரிடம் தோல்வி அடைந்தார்.

தற்போது நடைபெற உள்ள நாடாளுமன்றத் தேர்தலில் திமுக சார்பில் சங்கரன்கோவில் அரசு மருத்துவமனையில் மயக்கவியல் மருத்துவராக பணியாற்றி வரும் அதே பகுதியைச் சேர்ந்த ராணி ஸ்ரீகுமார் என்பவர் வேட்பாளராக அறிவிக்கப்பட்டுள்ளார். அவருடைய சுய விபரக் குறிப்பு:-

Dr.ராணி ஸ்ரீகுமார்

MBBS,MD(40/F)

மயக்கவியல் மருத்துவர், அரசு மருத்துவமனை சங்கரன்கோவில்.

கணவர் பெயர்:

G.ஸ்ரீகுமார் B.A, 45 /M அரசு ஒப்பந்ததாரர்,

திமுக மாவட்ட விவசாய அணி துணை அமைப்பாளர் ,

ஒரு பெண் குழந்தை

பெயர்: S.ஸ்ரீநிதி 14/F

10th std

முகவரி:

ஸ்ரீநிதி பவனம், கோமதி சங்கர் காலனி,

என்ஜிஓ காலனி, சங்கரன்கோவில்.

இதேபோல் அதிமுக சார்பில் புதிய தமிழகம் கட்சிக்கு ஒதுக்கீடு செய்யப்பட்டுள்ளது.

பாஜக சார்பில் இன்னும் வேட்பாளர் அறிவிக்கப்படவில்லை. இருப்பினும் தமிழக முன்னேற்ற கழகம் சார்பில் ஜான் பாண்டியன் மகள் மருத்துவர் ஒருவர் களம் இறக்கப்படலாம் என்று தகவல் வெளியாகி உள்ளது. அவ்வாறு ஜான் பாண்டியன் கட்சிக்கு கொடுக்கும்போது மும்முனைப் போட்டி ஏற்படும். அதிலும் குறிப்பாக மூன்று வேட்பாளர்களும் மருத்துவர்கள் ஆவார்கள்.