புதுக்கோட்டை நகர பகுதிகளில் பொதுமக்கள் 24 மணி நேரமும் குறைகள் தெரிவிக்க போன் எண் புதுக்கோட்டை எம்.எல்.ஏ. அதிரடி

புதுக்கோட்டை சட்டமன்ற தொகுதியில் தி.மு.க. சார்பில் போட்டியிட்டு வெற்றி பெற்ற மருத்துவர் முத்துராஜா புதுக்கோட்டை சட்டமன்ற தொகுதிகளில் தொடர்ந்து பல்வேறு பணிகளில் ஈடுபட்டு வருகிறார்.

தினந்தோறும் காலை வேளைகளில் புதுக்கோட்டை நகர பகுதிகள் மற்றும் புதுக்கோட்டை தொகுதிக்கு உட்பட்ட பகுதியில் ஆய்வு மேற்கொள்வது. பொதுமக்களிடம் குறைகளை கேட்பது. உடனடியாக பொதுமக்கள் தெரிவிக்கும் குறைகளை நிவர்த்தி செய்து கொடுப்பது என பல்வேறு பணிகளில் ஈடுபட்டு வருவதால் பொதுமக்கள் அவருக்கு பாராட்டு தெரிவித்து வருகின்றனர்.

அதன்படி, புதுக்கோட்டை நகர பகுதிகளில் எந்த குறைகள் இருந்தாலும் 24 மணிநேரமும் பொதுமக்கள் குறைகளை தெரிவிப்பதற்கு தன்னுடைய சொந்த முயற்சியில இரண்டு அலுவலர்களை நியமித்து அவர்களுடைய தொலைபேசி எண்களையும் தற்போது வெளியிட்டுள்ளார் புதுக்கோட்டை சட்டமன்ற உறுப்பினர் மருத்துவர் முத்துராஜா.

புதுக்கோட்டையில் நகரப்பகுதிகளில் 24 மணி நேரம் பொதுமக்கள் குறைகளை தெரிவிப்பதற்கு அலுவலர்கள் மற்றும் அவர்களுடைய செல்போன் எண்களை வெளியிட்டுள்ள எம்.எல்.ஏ. முத்துராஜா செயலுக்கு பொதுமக்கள் பாராட்டு தெரிவித்துள்ளனர்.