நாமக்கல்லில் தனியார் பள்ளி, கல்லூரி பேருந்துகள் ஆய்வு; ஆட்சியர் அதிரடி

தமிழகத்தில் வருகிற செப்.1ம் தேதி முதல் 9,10,11,12ம் வகுப்புகளுக்கு அரசு மற்றும் தனியார் பள்ளிகளையும், கல்லூரிகளையும் திறக்க தமிழக அரசு உ த்தரவிட்டுள்ளது. இதையொட்டி பள்ளி, கல்லூரி பேருந்துகள் முறையாகப் பராமரிப்பு செய்யப்பட்டுள்ளதா என்பது குறித்து ஆய்வு செய்ய நாமக்கல் வட்டார போக்குவரத்து துறை மூலம், நாமக்கல் சேலம் ரோட்டில் சிறப்பு முகாம் அமைக்கப்பட்டிருந்தது.

மாவட்ட கலெக்டர் ஸ்ரேயாசிங் நிகழ்ச்சியில் கலந்துகொண்டு பள்ளி, கல்லூரி பஸ்களை நேரில் பார்வையிட்டு ஆய்வு செய்தார். மொத்தம் 130 பஸ்கள் ஆய்வு செய்யப்பட்டன.

நாமக்கல் சப் கலெக்டர் கோட்டைக்குமார், ஆர்டிஓக்கள் முருகன், முருகேசன், மோட்டார் வாகன ஆய்வாளர் சக்திவேல், உமாமகேஸ்வரி உள்ளிட்ட அதிகாரிகள் நிகழ்ச்சியில் கலந்துகொண்டு பஸ்களை ஆய்வு செய்து சான்றிதழ் வழங்கினார்கள்.

கோட்ட தீயணைப்புத்துறை சார்பில் பஸ் டிரைவர்களுக்கு தீ பாதுகாப்பு விதிமுறைகள் குறித்த செயல்விளக்கம் காண்பிக்கப்பட்டது.