எர்ணாபுரத்தில் ரூ.91.27 லட்சம் மதிப்பில் திட்டப்பணிகள்: எம்.பி துவக்கி வைப்பு

எர்ணாபுரம் பகுதியில் ரூ.91.27 லட்சம் மதிப்பில், புதிய திட்டப்பணிகளை ராஜ்சயபா எம்.பி ராஜேஷ்குமார் துவக்கி வைத்தார்.

எர்ணாபுரம் ஆரம்ப சுகாதார நிலைய வளாகத்தில் 15-வது மத்திய நிதிக்குழு நிதியின் கீழ் ரூ.50 லட்சம் மதிப்பில் அலுவலக அறை, வட்டார சுகாதார அலுவலர் அறை, கம்ப்யூட்டர் அறை, லேபாராட்டரி, நோயாளிகள் காத்திருப்பு அறை ஆகியவற்றை உள்ளடக்கிய, வட்டார பொதுசுகாதார அலுவலக கட்டிடம் அமைக்கும் பணி, ராஜ்சபா எம்.பி தெகுதி மேம்பாட்டு நிதியின் கீழ் ரூ.7.52 லட்சம் மதிப்பில். செங்கோடம்பாளையம் அருந்ததியர் காலனியில் கழிவு நீர் வடிகால் அமைக்கும் பணி, மாரப்பநாயக்கன்பட்டி ஊராட்சி ஆரோக்யா நகரில் ரூ.10 லட்சம் மதிப்பில் 30,000 லிட்டர் கொள்ளளவு கொண்ட மேல்நிலை நீர்த்தேக்கத் தொட்டி அமைத்து பைப்லைன் விஸ்தரிப்பு செய்யும் பணி, ஆர்.ஜி.எஸ்.பி திட்டத்தின் கீழ் ரூ.23.75 லட்சம் மதிப்பில் மாரப்பநாயக்கன்பட்டி பஞ்சாயத்து புதிய அலுவலக கட்டிடம் அமைக்கும் பணி ஆகிய 4 பணிகள் மொத்தம் ரூ.91.27 லட்சம் மதிப்பில் கட்ட அனுமதி அளிக்கப்பட்டது. இதையொட்டி பணிகள் துவக்க விழா நடைபெற்றது.

ராஜ்சயபா எம்.பி ராஜேஷ்குமார் நிகழ்ச்சியில் கலந்துகொண்டு புதிய திட்டப்பணிகளை துவக்கி வைத்தார். வட்டார மருத்துவ அலுவலர் ராஜேந்திரன், பிடிஓ அருளாளன், உதவி செயற்பொறியாளர் கணேச பெருமாள், பஞ்சாயத்து தலைவர்கள் மாரப்பன், நலங்கிள்ளி உள்ளிட்ட பலர் நிகழ்ச்சியில் கலந்துகொண்டனர்.