கொங்குநாடு கல்வி நிறுவனங்களின் 16-வது ஆண்டு விழா கோலாகலம்

நாமக்கல் - திருச்சி மாவட்ட எல்லையில், தோளூர்ப்பட்டியில் கொங்குநாடு இன்ஜினியரிங் கல்லூரி, கொங்குநாடு பாலிடெக்னிக், கொங்குநாடு பி.எட் கல்லூரி ஆகிய கல்வி நிறுவனங்கள் உள்ளன. இந்த கல்வி நிறுவனங்களின் 16வது ஆண்டு விழா கல்லூரி சேர்மன் பெரியசாமி தலைமையில் நடைபெற்றது.

கல்லூரி பொருளாளர் தென்னரசு வரவேற்றார். செயலாளர் தங்கவேல், இணை செயலாளர் அசோக்குமார் ஆகியோர் முன்னிலை வகித்தனர். சிறப்பு விருந்தினர்களாக சென்னை ஏர்டெல் சூப்பர் சிங்கர் அரவிந்த் கார்னீஸ்வரன் மற்றும் சினிமா பின்னணி பாடகர் மாதிச்சியன் பாலா ஆகியோர் கலந்துகொண்டு மாணவ மாணவிகளுக்கு பரிசுகளை வழங்கிப் பேசினார்கள். 3 கல்லூரிகளிலும் சிறந்த மாணவர்கள் தேர்வு செய்யப்பட்டு அவர்களுக்கு ரொக்கப்பரிசுகள் வழங்கப்பட்டன. விழாவில் இன்ஜினியரிங் கல்லூரி முதல்வர் அசோகன், பாலிடெக்னிக் கல்லூரி முதல்வர் அய்யாதுரை, பி.எட் கல்லூரி முதல்வர் நாகராஜ் ஆகியோர் ஆண்டறிக்கை வாசித்தனர்.

நிறைவாக மூன்று கல்லூரிகளைச் சேர்ந்த மாணவ மாணவிகளின் கண்கவர் கலை நிகழ்ச்சிகள் நடைபெற்றன. திரளானபேராசிரியர்கள் மற்றும் மாணவ மாணவிகள் விழாவில் கலந்துகொண்டனர்.