பவானி அருகே குடிசை வீட்டில் தீ: மனநலம் பாதிக்கப்பட்ட பெண் பலி

ஈரோடு மாவட்டம் பவானி அருகே சின்னவடமலைபாளையம் பகுதியை சேர்ந்தவர் சிரங்காயீ. இவர் தனது மகள் அய்யம்மாள் என்பவருடன் வசித்து வருகிறார். அய்யம்மாளுக்கு 13ஆண்டுகளுக்கு முன்பு குழந்தை பிறந்ததில் மனநலம் பாதிக்கப்பட்டு உள்ளார். இதையடுத்து இன்று அதிகாலை அய்யம்மாள் அவரது தாயாரின் குடிசை வீட்டிற்கு வெளியே சமையல் செய்வதற்கு அடுப்பை பற்றி வைத்த போது எதிர்பாராத விதமாக அடுப்பில் இருந்த தீ பரவி குடிசை வீட்டில் பரவியது.

இதன் பின்னர் உள்ளே மனநலம் பாதிக்கப்பட்ட அய்யம்மாள் மீதும் தீ பற்றியது. இதற்கிடையே தீ வீடு முழுவதும் பற்றி எரிந்து சேதமடைந்தது. இதில் மனநலம் பாதிக்கப்பட்ட பெண் உடல் கருகி உயிரிழந்தார். இதன் பின்னர் அப்பகுதியினர் கொடுத்த தகவலின் பேரில் சம்பவ இடத்திற்கு வந்த பவானி போலீசார் உயிரிழந்த பெண்ணின் உடலை மீட்டு பிரேத பரிசோதனைக்காக பவானி அரசு மருத்துவனைக்கு அனுப்பி வைத்தனர்.இதுகுறித்து பவானி போலீசார் வழக்குப்பதிவு செய்து விசாரணை நடத்தி வருகின்றனர்.