தர்மபுரியில் நாளை மேற்கு மாவட்ட திமுக செயற்குழு கூட்டம்; பொறுப்பாளர் அறிவிப்பு

தர்மபுரியில் நாளை மேற்கு மாவட்ட திமுக செயற்குழு கூட்டம் நடைபெறும் என பொறுப்பாளர் பிஎன்பி இன்பசேகரன் அறிக்கை வெளியிட்டுள்ளார்.

அதில், தர்மபுரி மேற்கு மாவட்ட திமுக செயற்குழு ஆலோசனை கூட்டம், தர்மபுரியில் உள்ள மாவட்ட கட்சி அலுவலக கூட்டரங்கில் நாளை ( 2-ம் தேதி) காலை 10 மணி அளவில் நடைபெறுகிறது. கூட்டத்திற்கு நான் தலைமை வைக்கிறேன். கட்சியின் முன்னணி நிர்வாகிகள் முன்னிலை வைக்கிறார்கள். ஆகஸ்ட் மாதம் முதல் வாரத்தில் தர்மபுரி மாவட்டத்திற்கு பல்வேறு வளர்ச்சித் திட்டப் பணிகளை துவக்கி வைக்கவும், ஆய்வு செய்யவும் திமுக தலைவரும் தமிழக முதல்வருமான மு.க.ஸ்டாலின் வருகை தர உள்ளார்.

இந்நிகழ்ச்சியில் கலந்துகொள்ள வருகை தரும் முதல்வருக்கு சிறப்பான முறையில் வரவேற்பு அளிப்பது குறித்தும், முன்னாள் முதல்வர் கலைஞர் கருணாநிதியின் 3-ம் ஆண்டு நினைவு நாள் அனுசரிப்பது குறித்தும் ஆலோசிக்கப்படுகிறது.

மேலும், வரும் உள்ளாட்சி மன்ற தேர்தல் பணிகள் குறித்தும் கட்சி வளர்ச்சி பணிகள் குறித்தும், கட்சியின் வளர்ச்சி பணிகள் குறித்தும் இந்த கூட்டத்தில் ஆலோசனை நடத்தப்படுகிறது. கட்சியின் முன்னாள் இன்னாள் எம்பி, எம்எல்ஏக்கள் கட்சியின் மாநில மற்றும் மாவட்ட நிர்வாகிகள், நகர, ஒன்றிய, பேரூர் செயலாளர்கள் மாவட்ட ஊராட்சி குழு உறுப்பினர்கள் அனைவரும் தவறாமல் கலந்து கொள்ள வேண்டும். இவ்வாறு அவர் அறிக்கையில் தெரிவித்துள்ளார்.