இராணிப்பேட்டை மாவட்டத்தில் 10 ஆசிரியர்கள் நல்லாசிரியர் விருது பெற தேர்வு

வாழ் நாள் முழுவதும் நல்லாசிரியராக வாழ்ந்துக் காட்டி, மாபெரும் தத்துவமேதையாக விளங்கியவர், டாக்டர் சர்வபள்ளி. ராதாகிருஷ்ணன் ஆவார். .அவரது பிறந்த நாளான செப்டம்பர் 5 ஐ வருடந்தோறும் ஆசிரியர் தினமாக நாடு முழுவதும் கொண்டாடப்பட்டு வருகிறது.

ஒழுக்கம், பண்பு, ஆற்றல், ஊக்கம், தன்னம்பிக்கை, விடாமுயற்சி, வாழ்க்கை, பொது அறிவு என அனைத்தையும் மாணவர்களுக்கு சிறந்த முறையில் கற்பித்து, ஒரு உண்மையான வழிகாட்டியாக விளங்கும் ஆசிரியர்களுக்கு நல்லாசிரியர் விருது வழங்கப்பட்டு வருகிறது . அத்தகைய விருதினைப்பெற அரசு, நிதியுதவிபெரும் பள்ளிகளில் பணியாற்றிவரும் ஆசிரியர்களை ஆண்டு தோறும் அரசு தேர்வு செய்து அவர்களை கௌரவிக்கும் விதமாக விருதினை வழங்கி வருகிறது.

அதன் அடிப்படையில் இராணிப்பேட்டை மாவட்டத்தில் பெல் ராமகிருஷ்ணா பள்ளி தலைமையாசிரியர் கோட்டீஸ்வரன், ஆற்காடு முப்பதுவெட்டி, ஊராட்சி ஒன்றிய நடுநிலைப்பள்ளி தலைமை ஆசிரியர் திருமதி, தரணிபாய், திருப்பாற்கடல் ஊராட்சி ஒன்றிய நடுநிலைப்பள்ளி தலைமை ஆசிரியர் ப, பவித்ரன், திமிரி ஒன்றியம், கணியனூர் ஊராட்சி ஒன்றிய நடுநிலைப்பள்ளி தலைமை ஆசிரியர் திருமதி. ஜெயந்தி, சோளிங்கர், கொடைக்கல் காலனி ஊராட்சி ஒன்றிய நடுநிலைப்பள்ளி தலைமை ஆசிரியர் துளசிராமன், இராணிப்பேட்டை சிப்காட் சி.எஸ்.ஐ மெட்ரிக் மேல்நிலைப்பள்ளி, முதல்வர் வேணுகோபால், அரக்கோணம் சிஎஸ்.ஐ மேல்நிலைப்பள்ளி முதுகலை ஆசிரியர் எஸ். அற்புதராஜ், காரை அரசு ஆதிதிராவிட நல மேல்நிலைப்பள்ளி, முதுகலை ஆசிரியர் கே பழனி, இராணிப்பேட்டை அரசு மேல்நிலைப்பள்ளி உடற்கல்வி ஆசிரியர் பாலகிருஷ்ணன், உள்ளிட்ட மாவட்டத்தில் பணியாற்றி வரும் 10ஆசிரியர்கள் நல்லாசிரியர்களாக தேர்வு செய்யப்பட்டுள்ளனர் என்று மாவட்ட கல்வித்துறை தெரிவித்துள்ளது.