தந்தை நினைவுநாளில் மாற்றுத்திறனாளிகளுக்கு உதவிகள் வழங்கிய திமுக நிர்வாகி

புதுக்கோட்டை தெற்கு 3ம் வீதியில் உள்ள திமுக நகர கழக செயலாளர் நைனா முகமது அலுவலகத்தில் சமத்துவம் அறக்கட்டளை சார்பில் பல்வேறு நலத்திட்டங்களை பொதுமக்களுக்கு வழங்கி வருகின்றனர்.

அதேபோல் கோவிட் 19 தொற்று காலத்தில் உணவில்லாமல் தவித்த பொதுமக்களுக்கு உணவுகள் வழங்கியும் அதேபோல் பல்வேறு கிராமங்களுக்குச் சென்று பொதுமக்களுக்கு தேவையான அத்தியாவசிய பொருட்களை வழங்கி வருகின்றனர்.

அதேபோல் இன்று சமத்துவ அறக்கட்டளை மற்றும் திமுக நகர துணைச் செயலாளர் மதியழகன் தந்தை சின்னையா நினைவு நாளை முன்னிட்டு நலத்திட்ட உதவிகள் வழங்கும் விழா நடைபெற்றது.

இந்த நிகழ்ச்சியில் மாற்றுத்திறனாளிகள் 50க்கும் மேற்பட்டோருக்கு அரிசி பருப்பு காய்கறி மளிகை பொருட்கள் உள்ளிட்டவைகளை சமத்துவம் அறக்கட்டளை தலைவரும் திமுக நகரக் கழகச் செயலாளருமான நைனா முகமது, நகர துணைச் செயலாளர் மதியழகன் ஆகியோர் மாற்றுத்திறனாளிகளுக்கு வழங்கினர்.

நிகழ்ச்சியில் நகர துணைச் செயலாளர் அப்புகளை, நியாஸ், உள்ளிட்ட திமுக நிர்வாகிகள் பலர் கலந்து கொண்டனர்.