தமிழன் பிரசன்னா நீதிமன்றத்தில் ஆஜர்

புதுக்கோட்டை மாவட்டம் அறந்தாங்கி, நாகுடி, ஆலங்குடி பகுதிகளில் பொதுக்கூட்டங்களில் எடப்பாடி பழனிச்சாமி தமிழக சுகாதாரத்துறை அமைச்சர் விஜயபாஸ்கர் அவர்கள் இருவரையும் அவதூறாக பேசியதாக மாநில கொள்கை பரப்பு இணைச் செயலாளர் தமிழன் பிரசன்னா மீது அவதூறு வழக்கு பதியப்பட்டது.

அதற்காக மாவட்ட முதன்மை நீதிமன்றத்தில் ஆஜராகி நகலை பெற்றுக் கொண்டு வெளியே வந்த தமிழன் பிரசன்னா கூறுகையில், பழனிச்சாமி விஜயபாஸ்கர் ஆகியோர் ஜனநாயக ரீதியாக பேசிய என் மீது காவல் நிலையத்தில் புகார் அளித்து சட்டரீதியாக முடக்க பார்க்கின்றனர். நாங்கள் நேர்மையாகவும், நேரடியாகவும் எதையும் சந்திக்க தயார். எங்களை முடக்க முடியாததால் இவர்கள் எங்களை மிரட்டி பார்க்கின்றனர். நியாமான முறையில் நீதிமன்றத்திலேயே ஆஜராகி உள்ளோம், தீர்ப்பு எங்களுக்கு சாதகமாகவே அமையும் என்று கூறினார்.

இந்த நிகழ்வில் புதுக்கோட்டை மாவட்ட வழக்கறிஞர் அணி அமைப்பாளர் சிவகுமார் வழக்கறிஞர் திருஞானசம்பந்தம் வழக்கறிஞர்கள் செந்தில் குமார் கருப்பையா விஜயகுமார் உடன் இருந்தனர்.