ப.வேலூர் ஒழுங்குமுறை விற்பனை கூடத்தில் ரூ.50 ஆயிரத்துக்கு தேங்காய் ஏலம்

பரமத்திவேலூரில் செயல்பட்டு வரும் ஒழுங்குமுறை விற்பனைக் கூடத்தில் வாரம் தோறும் தேங்காய் மறை முக ஏலம் நடைபெற்று வருகிறது. கடந்த வாரம் நடைபெற்ற ஏலத்திற்கு சுமார் 3 டன் தேங்காய்களை விவசாயிகள் கொண்டு வந்திருந்தனர். இதில் குறைந்த பட்சமாக ரூ.25-க்கும், அதிகபட்சமாக கிலோ ரூ.28.50-க்கும், சராசரியாக ரூ.26.50-க்கும் ஏலம் போனது. மொத்தம் ரூ.79ஆயிரத்து 156 க்கு வர்த்தகம் நடைபெற்றது. இந்த வாரம் நடைபெற்ற ஏலத்திற்கு சுமார் ஒன்றரை டன் தேங்காய்களை விவசாயிகள் கொண்டு வந்திருந்தனர். இதில் குறைந்தபட்சமாக ரூ.23.65-க்கும், அதிகபட்சமாக கிலோ ஒன்று ரூ.29-க்கும், சராசரியாக ரூ.26.80-க்கும் ஏலம் போனது. மொத்தம் ரூ.50 ஆயிரத்து 341 க்கு தேங்காய் விற்பனை நடைபெற்றது.