பெண் குழந்தைகள் பாதுகாப்பு: காவல்துறையை அழைக்க இலவச தொலைபேசி எண்கள்

மாவட்டத்தில் பெண்கள் மற்றும் பெண் குழந்தைகள் பாதுகாப்பிற்கு காவல்துறை சார்பில் இலவச தொலைபேசி எண்கள் அறிவிக்கப்பட்டுள்ளது.

கிருஷ்ணகிரி மாவட்டத்தில் பெண்கள் மற்றும் பெண் குழந்தைகள் பாதுகாப்பிற்கு காவல்துறை சார்பில் இலவச தொலைபேசி எண்கள் அறிவிக்கப்பட்டுள்ளது. கிருஷ்ணகிரி மாவட்ட காவல் கண்காணிப்பாளர் உத்தரவின் படி பெண்கள் மற்றும் குழந்தைகளுக்கு எதிரான குற்ற தடுப்பு பிரிவு கூடுதல் காவல் கண்காணிப்பாளர் மேற்பார்வையில் நேற்று கிருஷ்ணகிரி, பர்கூர், ஓசூர் அனைத்து மகளிர் காவல் நிலைய பகுதிகளில் பெண்கள் மற்றும் பெண் குழந்தைகள் பாதுகாப்பு பற்றி விழிப்புணர்வு முகாம் நடத்தப்பட்டது. இம்முகாமில் குழந்தை திருமணங்கள், குழந்தைகளுக்கு எதிரான பாலியல் வன்கொடுமைகள் தடுப்பது பற்றியும், பெண்களுக்கு ஏற்படும் வரதட்சணை கொடுமைகள், பாதுகாப்பு பற்றி எடுத்துரைத்து பெண்கள் மற்றும் பெண் குழந்தைகள் பாதுகாப்பிற்கு இலவச தொலைபேசி எண்கள் 181 மற்றும் 1098 தொடர்புகொண்டு புகாரினை தெரியப்படுத்தலாம் எனவும் விழிப்புணர்வு ஏற்படுத்தப்பட்டது.