தேர்தல் பயிற்சி வகுப்பில் பங்கேற்ற அரசு ஊழியர்கள் மற்றும் ஆசிரியர்கள்

காஞ்சிபுரம் மாவட்டம், ஸ்ரீபெரும்புதூர் வட்டம், பென்னலூர் ஸ்ரீ வெங்கடேஸ்வரா பொறியியல் கல்லூரியில் நடைபெற்று வரும் வாக்குப்பதிவு அலுவலருக்கான பயிற்சி வகுப்பினை மாவட்ட தேர்தல் அலுவலரும் , மாவட்ட ஆட்சியருமான கலைச்செல்வி பார்வையிட்டு ஊழியர்களுக்கு தேர்தல் விதிமுறைகள் குறித்த விதிமுறைகள் மற்றும் ஆலோசனைகளை வழங்கினார்.

2024 ஆம் ஆண்டு பாராளுமன்ற பொதுத் தேர்தல் 19.04.2024 அன்று நடைபெறவுள்ளது. இத்தேர்தலில் காஞ்சிபுரம் மாவட்டத்தின் ஸ்ரீபெரும்புதூர் பாராளுமன்ற தொகுதிக்குட்பட்ட ஸ்ரீபெரும்புதூர், ஆலந்தூர் சட்டமன்ற தொகுதிக்கான வாக்குச்சாவடிகள் மற்றும் காஞ்சிபுரம் பாராளுமன்ற தொகுதிக்குட்பட்ட உத்திரமேரூர், காஞ்சிபுரம் சட்டமன்ற தொகுதிகளுக்கான வாக்குச்சாவடிகளில் பணியாற்றுவதற்கு வாக்குச்சாவடி தலைமை அலுவலர் மற்றும் வாக்குப்பதிவு அலுவலர்கள் அனைத்துத் துறைகளிலிருந்தும் மொத்தம் 6800 அரசு அலுவலர்கள், ஆசிரியர்களுக்குக்கான முதற்கட்ட பயிற்சிகள் காலை 9 முதல் மாலை 4 மணி வரை நடைபெற்றது.

சென்னை கன்டோன்மென்ட் பகுதி புனித மான்போர்ட் பள்ளி, பென்னலூர் ஸ்ரீ வெங்கடேஸ்வரா பொறியியல் கல்லூரி, காஞ்சிபுரம் ஓரிக்கை பாரதிதாசன் மேல்நிலைப் பள்ளி மற்றும் காஞ்சிபுரம் SSKV மகளிர் மேல்நிலைப்பள்ளி ஆகிய இடங்களில் நடைபெற்ற பயிற்சியில் தேர்தல் பணி ஊழியர்கள் கலந்து கொண்டனர்

திருப்பெரும்புதூர் வட்டம், பென்னலூர் ஸ்ரீ வெங்கடேஸ்வரா பொறியியல் கல்லூரியில் நடைபெற்று வரும் வாக்குப்பதிவு அலுவலருக்கான பயிற்சி வகுப்பினை மாவட்ட தேர்தல் அலுவலரும் , மாவட்ட ஆட்சியருமான கலைச்செல்வி பார்வையிட்டு, ஆய்வு மேற்கொண்டு, பயிற்சி குறித்து அலுவலர்களிடம் கேட்டறிந்தார்.

மேலும் தேர்தல் விதிமுறைகள் மற்றும் பல்வேறு ஆலோசனைகளையும் ஆட்சியர் அலுவலர்களுக்கு வழங்கினார். எவ்வித சலசலப்புக்கும் இடமளிக்காமல் அனைவரும் நேர்மையாக பணியாற்ற வேண்டும் எனவும் கேட்டுக்கொண்டார்.

இவ்ஆய்வின் போது ஸ்ரீபெரும்புதூர் வருவாய் கோட்டாட்சியர் சரவணக்கண்ணன் மற்றும் அரசு அலுவலர்கள் உடன் இருந்தனர்.