தேசிய ஊட்டச்சத்து மாத விழிப்புணர்வு பேரணி: கலெக்டர் துவக்கி வைத்தார்

ஒருங்கிணைந்த குழந்தை வளர்ச்சித் திட்டத்தின் கீழ் வருடம் தோறும் செப்டம்பர் மாதம் தேசிய ஊட்டச்சத்து மாத விழா கொண்டாடப்படுகிறது. முதல் வாரத்தில் மரம் நடுதல் இரண்டாம் வாரத்தில் கூட்டத்திற்கான யோகா மற்றும் ஆகிய நிகழ்ச்சிகள் மூன்றாவது வாரத்தில் அங்கன்வாடி பயனாளிகளுக்கு ஊட்டச் சத்துப் பொருட்களை வழங்குதல் என தொடர்ந்து 30 நாட்களும் விழிப்புணர்வு நிகழ்ச்சி நடைபெறும்.

காஞ்சிபுரம் மாவட்ட திட்ட அலுவலகம் சார்பில் இன்று அங்கன்வாடி பணியாளர்கள் ஊட்டச்சத்து குறித்த விழிப்புணர்வு பதாகைகளுடன் காஞ்சிபுரம் மாவட்ட ஆட்சியர் அலுவலகத்தில் இருந்து தேரடி வரை ஊர்வலமாக சென்று விழிப்புணர்வு ஏற்படுத்தினர்.

இந்நிகழ்வினை மாவட்ட ஆட்சியர் ஆர்த்தி அலுவலக வளாகத்தில் துவக்கி வைத்தார். இதில் மாவட்ட திட்ட அலுவலர் சற்குணா, மாவட்ட உணவு பாதுகாப்பு அலுவலர் டாக்டர் அனுராதா, வட்டார குழந்தை வளர்ச்சி அலுவலர் கலைச்செல்வி உள்ளிட்ட அலுவலர்கள் கலந்து கொண்டனர்.