மேகதாதுவில் அணை கட்டுவதை தடுக்க கோரி திருவாரூரிலிருந்து விவசாயிகள் பயணம்
காவிரி விவசாயிகள் சங்கம் சார்பில் பி. ஆர். பாண்டியன் தலைமையில் 100க்கும் மேற்பட்டோர் திருவாரூரிலிருந்து புறப்பட்டு சென்றனர்.
HIGHLIGHTS
மேகதாது அணை கட்டுமான பணியை தடுத்து நிறுத்தக்கோரி விவசாயிகள் திருவாரூரில் இருந்து புறப்பட்டனர்.
கர்நாடகா மாநிலத்தில் தமிழகத்தின் குறுக்கே மேகதாது அணையை கட்ட வேண்டும் என வலியுறுத்தி கர்நாடக காங்கிரஸ் கட்சி சார்பில் பாதயாத்திரை நடைபெற்று வருகிறது.இதனை கண்டித்து தமிழக காவிரி விவசாயிகள் சங்கம் சார்பில் நாளை மேகதாது அணை முற்றுகை போராட்டம் நடைபெற உள்ளது. இதனையடுத்து இன்று திருவாரூர். கீழவீதியிலிருந்து பி. ஆர் பாண்டியன் தலைமையில் 100க்கும மேற்பட்டோர் பேரணியாக பழைய பேருந்து நிலையம் வழியாக ரயில் நிலையம் வரை சென்றனர் .தொடர்ச்சியாக வாகனங்கள் மூலம் முற்றுகை போராட்டத்திற்கு புறப்பட்டு சென்றனர்.
இதனிடையே செய்தியாளர்களை சந்தித்த பி. ஆர். பாண்டியன் கூறும்போது
தமிழகத்தை அழிக்கும் உள்நோக்கத்தோடு அரசியலமைப்பு சட்டத்தையே காலில் போட்டு மிதிக்கும் விதமாக காவிரி மேலாண்மை ஆணையத்தை முடக்கி தமிழகத்தை வறட்சி பிரதேசமாக மாற்றி காட்ட அரசியல் லாப நோக்கத்துடன் காங்கிரஸ் கட்சி கர்நாடகாவில் மேகதாது அணை கட்ட பேரணி நடத்துவதை கண்டித்து தமிழக காவிரி விவசாயிகள் சங்கம் மேகதாது அணை பகுதியில் முற்றுகை யிடுவதற்க்காக புறப்பட்டு இருக்கின்றோம்.
நீதி சொன்ன திருவாரூர் மனுநீதி சோழன் மண்ணிலிலிருந்து புறப்படும் இந்த வீரம் கொண்ட பயணம் காங்கிரஸ் கட்சிக்கு பதிலடி கொடுப்பதற்காக புறப்பட்டு உள்ளது. மத்திய அரசின் துரோகத்தை அம்பலப்படுத்துவதற்காக மோடி அரசு தொட்டியும் ஆட்டி தொடையை கிள்ளுகிற பழமொழிக்கேற்ப கர்நாடகாவில் அணை கட்ட அனுமதியும் கொடுத்து நிதி திட்ட அறிக்கை தயார் செய்ய வற்புறுத்தி இருக்கிறது. அதனை திரும்ப பெற வேண்டும். கர்நாடக அரசு காங்கிரஸ் கட்சி பேரணியை தடுத்து நிறுத்த வேண்டும் ,காவிரி மேலாண்மை ஆணையத்தை தன்னாட்சி அதிகாரத்துடன் செயல்பட அனுமதிக்க வேண்டும் என்றார்.
