தஞ்சாவூர் மாவட்ட கண்காணிப்பு அலுவலர் ஆதிதிராவிடர் நலத்துறை இயக்குநர் ஆய்வு

தஞ்சாவூர் மாவட்ட ஆட்சித் தலைவர் அலுவலக கூட்டஅரங்கில் மாவட்ட கண்காணிப்பு அலுவலர் மற்றும் ஆதிதிராவிடர் நலத்துறை இயக்குநர் டி.ஆனந்த் மாவட்டஆட்சித் தலைவர் தினேஷ் பொன்ராஜ் ஆலிவர் தலைமையில் அனைத்து அரசுதுறை வளர்ச்சி திட்டபணிகள் குறித்து அலுவலர்களுடன் ஆய்வு கூட்டம் (22.12.2022) நடைபெற்றது.

தஞ்சாவூர் மாவட்ட கண்காணிப்பு அலுவலர் மற்றும் ஆதிதிராவிடர் நலத்துறை இயக்குநர் டி.ஆனந்த் தெரிவித்ததாவது: தமிழ்நாடு முதலமைச்சர் உத்தரவுக்கிணங்க தஞ்சாவூர் மாவட்டத்தில் அனைத்து துறை வளர்ச்சி திட்டபணிகள் முன்னேற்றம் மற்றும் பேரிடர் முன்னேற்பாடுபணிகள் குறித்து அலுவலர்களுடன் ஆய்வு கூட்டம் நடைபெறுகிறது.

இக்கூட்டத்தில் நமக்கு நாமே திட்டம், காலை சிற்றுண்டி திட்டம், சமத்துவ மயானம், கலைஞர் அனைத்து கிராம ஒருங்கிணைந்த வேளாண் வளர்ச்சி திட்டம், அனைத்து கிராம அண்ணா மறுமலர்ச்சி திட்டம், குடிமராமத்து பணிகள், எண்ணும் எழுத்தும் இயக்கம், மக்களை தேடி மருத்துவம், இல்லம் தேடி கல்வி, நான் முதல்வன்,உங்கள் தொகுதியில் முதலமைச்சர்,ஒருங்கிணைந்த குழந்தை வளர்ச்சி திட்டம் குறித்த செயல்பாடுகள் பருவமழை முன்னெச்சரிக்கை பணிகள், பள்ளிஉட்கட்டமைப்பு மேம்பாட்டு திட்டம், தூய்மை பாரத இயக்கம், திடக் கழிவு மேலாண்மை திட்டம், நீர்நிலை புறம்போக்கு, பொதுப்பணித்துறை போன்ற இடங்களில் குடியிருப்பவர்களுக்கு அரசால் வழங்கப்படும்.

இலவச வீட்டு மனைப் பட்டா வழங்குதல் இ-சேவை மையங்கள் மூலம் பெறப்பட்ட மனுக்களுக்கு சான்றிதழ்கள் வழங்குவதில் தொடர்பாகவும் இக்கூட்டத்தில ஆய்வு செய்யப்பட்டது. மேலும் நிலுவையில் உள்ள அனைத்து திட்டப் பணிகளையும் விரைவாக தரமாகவும் முடித்திட சம்பந்தப்பட்ட அலுவலர்களுக்கு உத்தரவிடப்பட்டுள்ளது என்றும் மாவட்ட கண்காணிப்பு அலுவலர் மற்றும் ஆதிதிராவிடர் நலத்துறை இயக்குநர் டி.ஆனந்த் தெரிவித்தார்.

பின்னர் தஞ்சாவூர் மாவட்ட ஆட்சித் தலைவர் அலுவலக கூட்டஅரங்கில் மாவட்டகண்காணிப்பு அலுவலர் மற்றும் ஆதிதிராவிடர் நலத்துறை இயக்குநர் டி.ஆனந்த் தலைமையில் மாவட்டத்தில் மேற்கொள்ளப்பட்டு வரும் பல்வேறு துறைகள் சார்ந்த வளர்ச்சி திட்டபணிகள் வங்கிகளின் பங்களிப்பு குறித்து வங்கியாளர்கள் மற்றும் அலுவலர்களுடன் ஆய்வு கூட்டம் நடைபெற்றது.

இக்கூட்டத்தில் கூடுதல் ஆட்சியர் என்.ஓ.சுகபுத்ரா, கூடுதல் ஆட்சியர் (வளர்ச்சி) எச்.எஸ். ஸ்ரீகாந்த் , மாவட்ட வன அலுவலர் அகில் தம்பி மற்றும் அனைத்து துறை அரசு அலுவலர்கள் பலர் கலந்து கொண்டனர்.