சுரண்டையில் மதிமுக துணை பொதுச் செயலருக்கு உற்சாக வரவேற்பு

தென்காசி மாவட்டம் சுரண்டையில் மறுமலர்ச்சி திராவிட முன்னேற்ற கழக துணை பொதுச் செயலாளராக தேர்வு செய்யப்பட்டுள்ள தி.மு. ராஜேந்திரனுக்கு சுரண்டை அண்ணா சிலை அருகே மதிமுகவினர் உற்சாக வரவேற்பளித்தனர்

தென்காசி மாவட்ட மதிமுக செயலாளர் தி.மு‌.ராஜேந்திரன் சமீபத்தில் நடைபெற்ற மறுமலர்ச்சி திராவிட முன்னேற்றக் கழக உட்கட்சித் தேர்தலில் துணை பொதுச் செயலாளராக தேர்வு செய்யப்பட்டார். துணை பொதுச்செயலாளர் தேர்வு செய்யப்பட்ட அவர் நேற்று மாலையில் சுரண்டை நகராட்சி பகுதிக்கு வருகை தந்தார் அப்போது அவருக்கு சுரண்டை நகர மற்றும் மாவட்ட மதிமுகவினர் வானவேடிக்கை முழங்க உற்சாக வரவேற்பளித்தனர்.

முன்னதாக அண்ணா சிலைக்கு மாலை அணிவித்த அவர் தொண்டர்களுக்கு நன்றி தெரிவித்து சிறப்புரையாற்றினார். நிகழ்ச்சியில் மாவட்ட பொருளாளர் எஸ். ராமகிருஷ்ணன், மாநில பொதுக்குழு உறுப்பினர் ஏ.டி. நடராஜன், நகர செயலாளர் துரைமுருகன், தேர்தல் பணிக்குழு துணைச் செயலாளர் சுதா பரமசிவன், குருவிகுளம் ராஜகோபால், சுந்தர்ராஜ், தென்காசி ஒன்றிய செயலாளர் வல்லம் மணி, மாரிச்செல்வம், தென்காசி நகர செயலாளர் வெங்கடேஸ்வரன், கீழப்பாவூர் தெற்கு ஒன்றிய செயலாளர் இராம உதய சூரியன், ஆலங்குளம் தெற்கு ஒன்றிய செயலாளர் மருதச்சாமிபாண்டியன், கீழப்பாவூர் வடக்கு ஒன்றிய செயலாளர் ஆறுமுகச்சாமி, மேலநீலிதநல்லூர் மேற்கு ஒன்றிய செயலாளர் ரவி என்ற மாரிமுத்து, கடையநல்லூர் ஒன்றிய செயலாளர் செல்ல சக்திவேல், தென்காசி மாவட்ட இளைஞரணி நடுவை சோ முருகன், மாநில திட்டக்குழு உறுப்பினர் கோபிநாத், வழக்கறிஞர் சுப்பையா, மாவட்ட இளைஞரணி துணை அமைப்பாளர் மகேஸ்வரன், சென்னை ராமதாஸ், அழகுதுரை, எஸ் எஸ் முருகன், சமுத்திரம், கதிரவன், அண்ணாநகர் முருகன், வேல் என்ற ராசா, ஏடிஎன் செந்தில்குமார், சுடலைராஜ், பிளம்பர் துரை, ராஜகோபால், மாணிக்கம், கீழச்சுரண்டை திருமலை உள்ளிட்ட பலர் பங்கேற்றனர்.