/* */

ஆலங்குளம் அருகே மின்னல் தாக்கி தொழிலாளி உயிரிழப்பு

மூவரும் ஆடுகளை மேய்த்து கொண்டிருக்கும் போது பலத்த மழை பெய்தபோது திடீரென இடியுடன் கூடிய மின்னல் தாக்கியது

HIGHLIGHTS

ஆலங்குளம் அருகே மின்னல் தாக்கி தொழிலாளி உயிரிழப்பு
X

 மின்னல் தாக்கி உயிரிழந்த சொள்ள மாடன்.

தென்காசி மாவட்டம், ஆலங்குளம் அருகே ஆணையப்பபுரத்தை சேர்ந்தவர் சுப்பிரமணியன் மகன் சொள்ளமாடன்(49). இவர் அந்த பகுதியில் உள்ள செங்கல் சூலையில் கூலித் தொழிலாளியாக வேலை செய்து வந்தார். மேலும் ஆடுகள் வளர்த்து வந்தார். இவர் வேலை முடிந்த பின்னர் மாலை வேளையில் ஆடுகளை வயல்வெளிகளில் மேய்ச்சலுக்கு கொண்டு செல்வார். அதேபோல் நேற்று ஆடுகளை மெய்ச்சலுக்கு அழைத்து சென்றார்.

உடன் இவரது உறவினர்களான ஆடுகளை வளர்த்துவரும் அதே ஊரைச் சேர்ந்த நாராயணன்(40) மற்றும் குமரேசன் மகன் சசிதரன்(16) ஆகியோர் தங்களது ஆடுகளுடன் மேய்ச்சலுக்கு சென்றுள்ளனர். மூவரும் ஆடுகளை மேய்த்து கொண்டிருக்கும் போது பலத்த மழை பெய்துள்ளது. அப்போது திடீரென ஏற்பட்ட இடியுடன் கூடிய மின்னல் ஆடு மேய்த்துக் கொண்டிருந்த மூவரையும் தாக்கியதால் ஏற்பட்ட அதிர்ச்சியில் மயங்கி விழுந்தனர். இதனைக் கண்ட அக்கம் பக்கத்தினர் மூவரையும் மீட்டு மருத்துவமனைக்கு கொண்டு சென்றனர். மூவரையும் மருத்துவர்கள் பரிசோதித்த நிலையில் சொள்ளமாடன் ஏற்கெனவே உயிரிழந்து விட்டதாக கூறினர். நாராயணன் மற்றும் சசிதரன் ஆகிய இருவரும் சிறிது நேரத்தில் மயக்க நிலையில் இருந்து மீண்டனர்.

தொடர்ந்து அவர்களுக்கு முதலுதவி செய்யப்பட்டு வீடுகளுக்கு அனுப்பி வைக்கப்பட்டனர். இந்த விபத்தில் மூன்று ஆடுகளும் உயிரிழந்தது. ஆலங்குளம் அரசு மருத்துவமனையில் இருந்த உயிரிழந்த சொள்ளமாடன் உடலை மீட்ட கடையம் போலீசார் பிரேத பரிசோதனைக்காக நெல்லை அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து வழக்கு பதிவு செய்த போலீசார் விசாரணை நடத்தி வருகின்றனர்.

Updated On: 6 April 2023 4:30 AM GMT

Related News

Latest News

  1. வணிகம்
    சென்னையில் பிரமாண்டமான தாஜ் வீடுகள் விலை தெரியுமா...?
  2. உசிலம்பட்டி
    கனமழை..! சதுரகிரிமலைக்கு செல்ல பக்தர்களுக்கு தடை..!
  3. கல்வி
    அரசின் சான்றிதழ் பெற என்னென்ன ஆவணங்கள் வேணும்..? பள்ளி...
  4. சோழவந்தான்
    அலங்காநல்லூர் அருகே கோடைகால கபாடி பயிற்சி..!
  5. லைஃப்ஸ்டைல்
    அன்பின் அணையா விளக்கு, அம்மா..! அன்னையர் தின வாழ்த்து..!
  6. லைஃப்ஸ்டைல்
    அன்னையின் அன்புக்கு அளவீடு இங்கில்லை..! அம்மாவை வணங்குவோம்..!
  7. லைஃப்ஸ்டைல்
    வயசே தெரியாம பிறந்தநாள் கொண்டாடும் நண்பா..வாழ்த்துகள்..!
  8. ஆன்மீகம்
    விண்ணின் தேவன் மண்ணில் பிறந்த நாள்..! கிறிஸ்துமஸ் வாழ்த்துகள்..!
  9. லைஃப்ஸ்டைல்
    பொங்கலோ..பொங்கல்..! இனிக்கும் பொங்கல் வாழ்த்து..!
  10. வீடியோ
    🔴LIVE: Saattai அலுவலக திறப்பு விழாவில் சீமான் செய்தியாளர்கள்...