ஓட்டல் செயல்படும் நேரத்தை அதிகரிக்க வேண்டும்: அரசுக்கு உரிமையாளர்கள் கோரிக்கை

ஓட்டல்கள் நடத்த அனுமதி வழங்கியதற்கு தமிழக முதல்வருக்கு நன்றியைத் தெரிவித்துக் கொள்கிறோம். கடந்த 2020 மாா்ச் மாதத்தில் இருந்து கொரோனா கட்டுப்பாடு அமலில் இருக்கும் நிலையில், ஓட்டல்கள் சுமாா் 30 சதவீத அளவுக்கு திறக்கப்படவில்லை. ஓட்டல் நடத்த வாங்கிய கடன், வாடகைச் செலுத்த முடியாமல் மிகவும் சிரமத்தில் உள்ளோம்.

எனவே காலை 10.30 மணி முதல் மாலை 3.30 மணி வரையிலும், மாலை 6 மணி முதல் இரவு 10.30 மணி வரையிலும் ஓட்டல்களை நடத்திட அனுமதி தர வேண்டும். அதே வேளையில் நேரத்தை அதிகப்படுத்தினால், ஓட்டலில் வேலை பாா்க்கும் பணியாளா்களுக்கு ஊதியம் கொடுக்க உதவியாக இருக்கும். சுற்றுலாத் தலமான ஏற்காட்டிற்கு 50 சதவீத பொதுமக்கள் சென்று வர அனுமதிக்க வேண்டும் என்று அவர்கள் கேட்டுக் கொண்டுள்ளனர்.