சைக்கிளில் வந்து தன்னுடைய ஜனநாயக கடமையாற்றிய புதுக்கோட்டை எம்எல்ஏ முத்துராஜா
புதுக்கோட்டை சட்டமன்ற உறுப்பினர் டாக்டர் முத்துராஜா தன்னுடைய வீட்டிலிருந்து சைக்கிளில் வந்து வாக்களித்தார்
HIGHLIGHTS
சைக்கிளில் வந்து தன்னுடைய ஜனநாயக கடமையாற்றிய புதுக்கோட்டை எம்எல்ஏ முத்துராஜா.
தமிழகம் முழுவதும் இன்று நகராட்சி பேரூராட்சி மாநகராட்சி ஆகியவைகளுக்கு ஒரே கட்டமாக இன்று தேர்தல் நடைபெறுகிறது .அதேபோல் புதுக்கோட்டை மாவட்டத்தில் இரண்டு நகராட்சி 8 பேரூராட்சிகளுக்கு சனிக்கிழமை தேர்தல் நடைபெற்று வருகிறது.
புதுக்கோட்டை நகராட்சியில் 42 வார்டுகளிலும் அதிமுக திமுக, காங்கிரஸ், கம்யூனிஸ்ட் மற்றும் சுயேச்சைகள் என 252 வேட்பாளர்கள் போட்டியிடுகின்றனர்.புதுக்கோட்டை நகராட்சியில் 120 வாக்குச்சாவடி மையங்கள் அமைக்கப்பட்டு பலத்த போலீஸ் பாதுகாப்புடன் வாக்குப்பதிவு நடைபெற்றுவருகிறது.
இந்த நிலையில், அன்னச் சத்திரம் பகுதியில் புதுக்கோட்டை சட்டமன்ற உறுப்பினர் மருத்துவர் முத்துராஜா தன்னுடைய வாக்கினை பதிவு செய்ய தன்னுடைய வீட்டில் இருந்து வாக்குப்பதிவு மையத்திற்கு சைக்கிளில் வந்து தன்னுடைய வாக்கினை வாக்கு மையத்தில் பதிவு செய்தார்.சென்ற சட்டமன்றத் தேர்தலில் நடிகர் விஜய், சைக்கிளில் வந்து தன்னுடைய வாக்கினை பதிவு செய்தார் அதேபோல் புதுக்கோட்டை சட்டமன்ற உறுப்பினர் மருத்துவர் முத்துராஜா தன்னுடைய வீட்டிலிருந்து சைக்கிளில் வந்து வாக்கு பதிவு செய்தது பொதுமக்களிடையே ஆச்சரியத்தை ஏற்படுத்தியது