தும்மங்குறிச்சி ரேசன் கடையில் மாவட்ட கலெக்டர் திடீர் ஆய்வு

நாமக்கல் நகராட்சிக்கு உட்பட்ட, தும்மங்குறிச்சி ரேசன் கடையை, மாவட்ட கலெக்டர் ஸ்ரேயாசிங் திடீர் ஆய்வு செய்து பார்வையிட்டார். கடையில் பொதுமக்களுக்கு அத்தியாவசியப் பொருட்கள் வழங்கும் பணியை அவர் பார்வையிட்டார். கடையில் பொருட்கள் இருப்பு பதிவேட்டையும், விற்பனை பதிவேட்டையும் சரிபார்த்தார்.

பொருட்கள் வாங்க வந்தவர்களிடம் கடைகள் சரியான நேரத்தில் திறக்கப்படுகிறதா, பொருட்கள் அனைத்தும் கிடைகிறதா என்றும் கேட்டறிந்தார். பின்னர், விற்பனையான பொருட்களின் தொகை விபரங்களை, விற்பனை பாயிண்ட் சேல்ஸ் மெசின் மூலம், அரிசி, கோதுமை, சர்க்கரை, மண்ணெண்ணெய், துவரம் பருப்பு, பாமாயில் உள்ளிட்ட பொருட்களின் இருப்பு குறித்து பார்வையிட்டு சரிபார்த்தார். ஆய்வின்போது, துறை அலுவலர்கள் கலந்து கொண்டனர்.