கால்வாய் கழிவை ரோட்டில் கொட்டியதால் சுற்றுலா பயணிகள் முகம்‌ சுளிப்பு

காஞ்சிபுரம் மாநகராட்சி 51 வார்டுகளை உள்ளடக்கி செயல்பட்டு வருகிறது. கோயில் நகரம் , பட்டு நகரம் என்பதால் நாள்தோறும் பல்லாயிரக்கணக்கான மக்கள் காஞ்சிபுரம் வருகை புரிந்து செல்வது வழக்கம். இது மட்டுமல்லாமல் புகழ் பெற்ற திருக்கோயில்களுக்கான வெளிநாட்டு மற்றும் வெளி மாநில சுற்றுலா பயணிகளும் வருகை புரிவது குறிப்பிடத்தக்கது.

இந்நிலையில் மாநகரை சுத்தமாக வைத்துக் கொள்ள மாநகராட்சி நாள்தோறும் பல லட்சம் டன் குப்பைகளை கையாண்டு வருகிறது. மேலும் கழிவுநீர் தடையின்றி செல்ல, கால்வாய் கழிவுகளை தூர்வாரும் பணியினை துவக்கி உள்ளது. இது, பொதுமக்களிடையே வரவேற்பை பெற்றுள்ளளது.

இருப்பினும் கால்வாய்களில் இருந்து அள்ளப்படும் கழிவுகளை அப்புறப்படுத்தாமல் ஊழியர்கள் சாலை ஓரம் கொட்டுகின்றனர். கடந்த ஒரு வாரமாகவே காஞ்சிபுரத்தில் அவ்வப்போது பலத்த மழை பெய்து வருவதால், நேற்றும் தொடர்ந்து சாரல் மழை பெய்த காரணத்தால் கழிவுகளில் மழை நீர் அடித்து செல்லப்பட்டு சாலை முழுவதும் கழிவுகளால் போக்குவரத்துக்கு பெரிதும் இடைஞ்சலாக கைலாசநாதர் கோவில் செல்லும் வழியில் காணப்பட்டது.

இதனால் அவ்வழியாக தேர்வுக்கு சென்ற மாணவர்கள் , கைலாசநாதர் கோயிலை காண வந்த சுற்றுலாப் பயணிகள், என பலர் ஆபத்துடனே அப்பகுதியை கடந்தனர். கழிவுகளை கண்ட சுற்றுலா பயணிகள், முகம் சுளித்துக் கொண்டே சென்றனர். மாநகராட்சியின் ஒரு செயலை வரவேற்கும் பொதுமக்கள், அதை கையாளும் ஊழியர்களுக்கு அறிவுரை தந்து, சுற்றுலா நகரம் என்ற பெயரை தொடர்ந்து தக்க வைத்துக் கொள்ளும் வகையில் செயல்பாடுகள் இருக்க வேண்டும் என மாநகராட்சி செயல்பட வேண்டும் என பொதுமக்கள் கோரிக்கை வைக்கின்றனர்.