காஞ்சிபுரம் மாவட்டத்தில் 12ம் வகுப்பு தேர்வில் 91.80% தேர்ச்சி

காஞ்சிபுரம் மாவட்டம் பள்ளி கல்வித் துறை சார்பாக நடைபெற்ற பிளஸ் 2 அரசு பொதுத்தேர்வில் 91.80 சதவீத மாணவ, மாணவிகள் தேர்ச்சி அடைந்துள்ளனர்.

மே மாதம் நடைபெற்ற பிளஸ் 2 அரசு பொதுத் தேர்வை காஞ்சிபுரம் மாவட்டத்தில் பள்ளி கல்வி துறை சார்பாக 6516 மாணவர்களும், 7002 மாணவிகளும் என மொத்தம் 13 ஆயிரத்து 518 மாணவ மாணவிகள் அரசு தேர்வில் கலந்து கொண்டனர். இதில் பொதுப் பாடத் தேர்வில் 12182 மாணவ மாணவிகளும் தொழில் பாடப்பிரிவில் 636 மாணவ மாணவிகள் தேர்வு எழுதினர். இதில் 12819 மாணவ மாணவிகள் அரசு பொதுத்தேர்வில் தேர்ச்சி பெற்றுள்ளனர். மாவட்ட தேர்ச்சி 91.80 சதவீதமாகும். கடந்த ஆண்டை காட்டிலும் 0.2 சதவீதம் குறைவாக உள்ளது.

மாணவர்களின் தேர்ச்சி 88.66 சதவீதமும், மாணவிகள் தேர்ச்சி 94.74 சதவீதமாகவும் உள்ளது. மாணவர்களை காட்டிலும் மாணவியின் தேர்ச்சி விகிதம் 6.08சதவீதம் கூடுதலாக உள்ளது. இவ்வாண்டு காஞ்சிபுரம் மாவட்டம் தரவரிசையில் 31வது இடத்தில் உள்ளது. காஞ்சிபுரம் மாவட்டத்தில் உள்ள 106 மேல்நிலைப்பள்ளிகளில் இருபத்தி ஏழு பள்ளிகள் 100 சதவீத தேர்ச்சி அடைந்து உள்ளது. காஞ்சிபுரம் மாவட்டத்தில் 52 அரசு பள்ளிகளில் அய்யம்பேட்டை களியாம்பூண்டி மற்றும் மவுலிவாக்கம் தைச் சேர்ந்த 3 அரசு பள்ளிகள் 100 சதவீத தேர்ச்சி பெற்றுள்ளது. அரசு பள்ளிகளின் தேர்ச்சி விகிதம் 87.48 சதவீதம் பெற்றுள்ளது.

பாடவாரியாக தேர்ச்சி விபரம் :

தமிழ் பாடப் பிரிவில் மூன்று பேரும், இயற்பியல் பாடப்பிரிவில் 6 பேரும், பொருளியல் பாடப் பிரிவில் 10 பேரும், வேதியல் பாடப் பிரிவில் 12 பேரும், புவியியல் பாடப் பிரிவில் மூன்று பேரும், வணிகவியல் பாடப்பிரிவில் 57 பேரும், கணக்குப்பதிவியல் பாடப்பிரிவில் 68 பேரும் ,உயிரியல் பாடப் பிரிவில் 14 பேரும், கணினி அறிவியலில் 36 பேரும், விவசாய பாடப்பிரிவில் 44 பேரும் ஆடிட்டிங் பிரிவில் 125 பேரும், இயந்திரவியல் பிரிவில் 20 பேரும், வணிக கணிதத்தில் 24 பேரும், கணினி பிரிவில் 20 பேரும், கணிதத்தில் இருபத்தி ஆறு பேரும் 100% தேர்ச்சி பெற்றுள்ளனர். பிளஸ் 2 பொதுத்தேர்வு முடிவுகளை பொறுத்தவரையில் காஞ்சிபுரம் மாவட்டத்தில் பாடப் பிரிவுகளில் 100% என்பது வெகுவாக குறைந்துள்ளது.