காஞ்சிபுரம் : 861 மகளிர் சுய உதவிக் குழுக்களுக்கு 40.72 கோடி கடனுதவி

தமிழகம் முழுவதும் 58,463 சுய உதவிக் குழுக்களைச் சேர்ந்த 7,56,142 உறுப்பினர்களுக்கு ரூ.2749.85 கோடி மதிப்பிலான கடன் உதவிகள் / நலத் திட்ட உதவிகளை தமிழக முதல்வர் ஸ்டாலின் திருத்தணியில் நடைபெற்ற விழாவில் வழங்கினார் .

அதனை தொடர்ந்து காஞ்சிபுரம் மாவட்ட ஆட்சியர் வளாக மக்கள் நல்லுறவு மையக் கூட்டரங்கில் இன்று நடைபெற்ற நிகழ்ச்சியில் 861 சுய உதவிக் குழுக்களைச் சேர்ந்த 12,055 உறுப்பினர்களுக்கு ரூ.40.72 கோடி மதிப்பிலான கடன் உதவிகள் / நலத் திட்ட உதவிகளை மாவட்ட ஆட்சியர் ஆர்த்தி , சட்டமன்ற உறுப்பினர்கள் க.சுந்தர் , எழிலரசன் , மாவட்ட ஊராட்சி குழு தலைவர் படப்பை மனோகரன், துணைத்தலைவர் நித்யா சுகுமார் ஆகியோர் வழங்கினார்.

மேலும் இவ்விழாவில் மாற்றுத்திறனாளிகள் நலத்துறை ,வேளாண்மைத்துறை, தோட்டக்கலைத்துறை, சுகாதாரத்துறை மற்றும் காஞ்சிபுரம் மாநகராட்சி சார்ந்த பயனாளிகளுக்கு ரூ.9.00/- இலட்சம் மதிப்பிலான நலத்திட்ட உதவிகள் வழங்கப்பட்டது.

அதனைத் தொடர்ந்து அரசு பொது சுகாதாரத்துறையின் சார்பில் கொரோனா காலத்தில் சிறப்பாக பணியாற்றிய மருத்துவர்கள், மருத்துவத்துறை ஆய்வாளர்கள், செவிலியர்கள் என 84 நபர்களுக்கு பாராட்டுச் சான்றிதழ்கள் வழங்கப்பட்டது.