செங்கல்பட்டு: 2753 பயனாளிகளுக்கு ரூ. 100.38 கோடி கடன் உதவி வழங்கல்

செங்கல்பட்டு மாவட்டம், தனியார் திருமண மண்டபத்தில் அனைத்து தேசிய வங்கிகளின் கூட்டமைப்பின் நடைபெற்ற வாடிக்கையாளர்| சந்திப்பு மற்றும் கடன் வழங்குதல் தொடர்பான வங்கிகளின் சங்கமம் நடைபெற்ற்றது. இவ்விழாவில் மாவட்ட ஆட்சியர் ரகுநாத் கலந்து கொண்டு தொழிற்கடன், வீட்டுவசதிகடன், வாகனக் கடன், கல்விக்கடன், தனிநபர் கடன் மற்றும் மகளிர் சுய உதவிக்குழு கடன் உள்ளிட்ட பல்வேறு கடன்கள் மூலம் பயன்பெறும் 2753 பயனாளிகளுக்கு ரூ. 100.38 கோடி மதிலான கடன் உதவிகளை வழங்கினார்.

மேலும் சுயத்தொழில் செய்யவேண்டி மனு அளித்த பயனாளிகளுக்கு, தொழிற் கடன்களையும் மற்றும் விவசாயக் கடன்களையும் மாவட்ட ஆட்சியர் வழங்கினார். இந்நிகழ்ச்சியில் திட்ட இயக்குநர் ( மகளிர் திட்டம்) ஸ்ரீதர், இந்தியன் வங்கி பொது மேலாளர் கண்ட ராரேஷ்வர ரெட்டி, இந்தியன் வங்கி மண்டல மேலாளர் ஸ்ரீமதி, மாவட்ட முன்னோடி வங்கி மேலாளர் மற்றும் பல்வேறு வங்கி மேலாளர்கள், அரசு அலுவலர்கள் என ஏராளமானோர் கலந்து கொண்டனர்.