பாம்பை விட ஆபத்தானது கொசு... ரொம்பவும் உஷாரா இருங்க...!

இரவு நேரங்களில் மனிதர்களை துாங்க விடாமல், அதிக மன உளைச்சலை ஏற்படுத்தும் 'வலிமை' மிக்கது கொசுக்கள்.

கொசுக்கடியிலிருந்து தப்பித்து கொள்ள பல விஷயங்களை முயற்சி செய்கிறோம். எனினும் பலனில்லாமல் போகிறது. இவை அசெளகரியத்தை மட்டும் அல்லாமல் மோசமான நோய்களான மலேரியா, டெங்கு மற்றும் சிக்குன்குனியா போன்ற எக்டார் மூலம் பரவும் நோய்கள் எந்த நேரத்திலும் உயிருக்கு ஆபத்தாக மாறக்கூடும்.

​கொசுக்களால் ஜிகா வைரஸ்

பெரும்பாலான மக்களுக்கு இந்த வைரஸின் அறிகுறிகள் இலேசானவை. இது வைரஸ் காய்ச்சல் என்றாலும் சாதாரண காய்ச்சல் போல் இருக்கும்.கர்ப்பிணிகளுக்கு இந்த காய்ச்சல் வந்தால் அவர்களது வயிற்றில் இருக்கும் சிசுக்களுக்கும் பரவும். அப்படி பாதித்தால் சிசுக்களின் தலை சிறிதாக வளரும், மூளை பாதிப்பும் ஏற்படும். இதற்கு மைக்ரோசெபலி எனப்படும் பிறப்பு குறைபாட்டுடன் தொடர்புடையது.

இந்த ஜிகாவைரஸ் வந்தால் உடலில் அரிப்பு ஏற்படும், மூட்டு வலிக்கும், கண்கள் சிவந்து காணப்படும். பிரேசில், மத்திய, தெற்கு ஆப்பிரிக்கா, கரீபிய தீவுகள், தென் கிழக்கு ஆசிய நாடுகள் உட்பட உலகின் பல பகுதிகளில் கொசுக்கள் இந்த ஜிகா வைரஸ் பரப்புகின்றது.

​கொசுக்களால் டெங்கு

மோசமான காய்ச்சல் டெங்கு என்பதை சொல்லி தெரியவேண்டியதில்லை. மழைக்காலம் வந்தாலே டெங்குவை தவிர்க்கும் நடவடிக்கையில் சுகாதார துறை நிபுணர்கள் முன்னெச்சரிக்கை நடவடிக்கையில் ஈடுபடுவார்கள்.

டெங்கு வந்தால் உடலில் அரிப்பு, படை. காய்ச்சல், தலைவலி, ரத்த போக்கு ஆகியவை ஏற்படும். சில நேரங்களில் ரத்தக்கசிவு காய்ச்சலுக்கு உண்டாகலாம். இது ஆபத்தானது இது அபாயகரமானதும் கூட . உயிரிழப்பை உண்டு செய்யும் அபாயம் இதற்கு உண்டு.

FDA வால் அங்கீகரிக்கப்பட்ட தடுப்பூசி உண்டு. 9 முதல் 16 வயதுக்குட்பட்டோருக்கு மட்டும உள்ளது. குழந்தைகள் நான்கு விதமான டெங்கு வைரஸ்களில் ஒன்றில் பாதிக்கப்பட்டிருந்தாலும் மற்ற வைரஸ்களில் ஒன்றிலிருந்து நோய் மீண்டும் வராமல் தடுக்க உதவும். டெங்கு நோய்த்தொற்று உலகளவில் ஒவ்வொரு ஆண்டும் 36 ஆயிரம் நபர்களின் உயிரை கொல்கிறது.

​கொசுக்களால் வெஸ்ட் நைல்

கொசு கடிப்பதன் மூலம் பரவும் இன்னொரு வைரஸ் நோய் இது. இதற்கு அறிகுறிகளே இருக்காது. சிலருக்கு தலைவலி, மூட்டு வலி, காய்ச்சல், வயிற்றுப் போக்கு, வாந்தி ஏற்படும். அப்படி வந்தால் உடனடியாக டாக்டரை அணுக வேண்டும்.

சிலருக்கு மூளை காய்ச்சல், மூளை அழற்சி எனப்படும் மூளை நோய்த்தொற்றுகள் போன்ற அரிதான சிக்கல்கள் நீங்கள் கவனிக்க வேண்டும். இந்த நோய்க்கு தடுப்பூசி இல்லை. இது அலாஸ்கா, ஹவாய் ஆகிய பகுதிகளில் இது பரவலாக காணப்படுகிறது.

​கொசுக்களால் மலேரியா

உலக மக்கள் தொகையில் ஆண்டு தோறும் 50 ஆயிரம் பேரின் உயிரை கொல்லும் மலேரியாவை எதிர்கொள்கிறார்கள் என்று 1897 ஆம் ஆண்டு, ரொனால்ட் ரோஸின் கண்டுபிடிப்பு நோய் பற்றிய தெளிவையும் மலேரியா விழிப்புணர்வு ஏற்படுத்தியது.

பிளாஸ்மோடியம் ஒட்டுண்ணிகளால் வரும் மலேரியா காய்ச்சல், தலைவலி, உடல் நடுக்கம், sஅளி, வாந்தி இதன் அறிகுறிகளாகும்.

பெரும்பாலும் சஹாரா ஆப்பிரிக்கா பகுதிகளில்தான் அதிகம் உள்ளது. அதேசமயம், தெற்கு அமெரிக்கா, தெற்கு ஆசியா, உள்ளிட்ட நாடுகளிலும் மலேரியா உள்ளது. தற்போது உலக அளவில் எல்லா மக்களையும் ஆட்கொண்டு வருகிறது மலேரியா.

​கொசுக்களால் மஞ்சள் காய்ச்சல்

பொதுவாக குறுகிய கால அளவு கொண்ட வைரஸ் நோய் மஞ்சள் காய்ச்சலாக இருக்கலாம். பெரும்பாலான நேரங்களில் இந்த அறிகுறிகள் காய்ச்சல், குளிர், பசியின்மை, குமட்டல், முதுகு அசெளகரியம் மற்றும் தலைவலி போன்றவை உண்டாகலாம்.

இது ஐந்து நாட்களுக்குள் மேம்படுகிறது. ஆண்டு தோறும்30 ஆயிரம் நபர்களின் உயிரை கொல்கிறது. மஞ்சள் காய்ச்சல் வைரஸை சுமந்து செல்லும் ஏடிஎஸ் எஜிப்டி கொசுக்கள் கடுமையான வைரஸ் ரத்தக்கசிவு நோயை பரப்புகின்றன.

இந்த பெயரில் உள்ள மஞ்சள் என்னும் வார்த்தை நோயாளிகள் அனுபவிக்கும் மஞ்சள் காமாலையை குறிக்கிறது. இதற்கு தடுப்பூசி உண்டு.

​கொசுக்களால் சிக்குன்குன்யா

சிக்குன்குன்யா என்பது ஆப்பிரிக்க மொழிப் பெயராகும். சிக்கன் குனியா எனப்படும் ஒரு தொற்றூ வைரஸ் மக்களை பாதிக்கிறது. இது பாதிக்கப்பட்ட ஏடிஎஸ் ஈஜிப்டி கொசுகளால் பரவுகிறது.

இந்த காய்ச்சல் வந்தால் கடுமையான மூட்டு வலி ஏற்படும். நடக்கவே சிரமமாக இருக்கும். தலைவலி, வாந்தி மயக்கம், உடல் நடுக்கம் தசைவலி, மூட்டு வீக்கம் மற்றும் சொறி ஆகியவை பொதுவான அறிகுறிகள் ஆகும். பாதிக்கப்பட்ட நபரின் நிலை பொதுவான அறிகுறிகளாகும். பெரும்பாலும் ஒரு வாரத்துக்குள் சரியாகிவிடும்.

அரிதான சந்தர்ப்பங்களில் மூட்டு அசெளகரியம் மாதங்கள் அல்லது ஆண்டுகள் கூட நீடிக்கும். ஜிகா மற்றும் டெங்கு ஆகியவை சிக்குன்குனியாவுடன் சில மருத்துவ அறிகுறிகள் சேர்கின்றன.

​லா கிராஸ் என்செபலாடிஸ்

லா கிராஸ் என்செபலாடிஸ் வியாதியானது அமெரிக்காவில் பரவலாக உள்ளது. அடர்த்தியான மரங்களில் வாழும் ஒரு வகை கொசுக்கள்தான் இதைப் பரப்புகின்றன. இந்த காய்ச்சல் வந்தால் தலைவலி உள்ளிட்ட பல்வேறு அறிகுறிகள் தென்படும்.

​ரிப்ட் வேலி பீவர்

கொசுக்களிலிருந்து இந்த காய்ச்சலானது மனிதர்களுக்கும், விலங்குகளுக்கும் பரவக் கூடியது. கென்யாவில்தான் இது முதலில் கண்டறியப்பட்டது. ஆப்பிரிக்காவில் இது பரவலாக உள்ளது. சவூதி, ஏமன் நாடுகளிலும் கூட இது பரவியுள்லது. உடல் நடுக்கம், பலவீனம்தான் முக்கிய அறிகுறிகளாகும். இது கண்களையும் கூட பாதிக்கக் கூடியது.

​ஜேம்ஸ்டவுன் கேன்யான் வைரஸ்

1980களில் கண்டறியப்பட்டது இது. போல்டர் என்ற ஊரில்தான் முதலில் இது கண்டறியப்பட்டது. இந்த காய்ச்சல் வந்தால் தலைவலி உள்ளிட்ட காய்ச்சலுக்கான அறிகுறிகள் ஏற்படும். சிலருக்கு மூளை மற்றும முதுகெலும்பு பாதிப்பும் ஏர்படுகிறது. வருடத்திற்கு அமெரிக்காவில் மட்டும் 50 பேர் இந்த காய்ச்சலால் பாதிக்கப்படுகின்றனர்.

​ஸ்னோஷூ ஹேர் வைரஸ்

இது ஸ்னோஷூ என்ற முயலின் ரத்தத்தில் முதன் முதலில் அடையாளம் காணப்பட்டதால் இந்த பெயரில் அழைக்கப்படுகிறது. 70களில் கனடாவில் ஒருவருக்கு கண்டறியப்பட்ட வியாதி இது. இப்போது அமெரிக்காவில் பரவலாக உள்ளது. காய்ச்சல், வாந்தி, நடுக்கம், தலைவலி இதன் அறிகுறிகள் ஆகும்.

​கொசு கடிப்பதை தடுப்பது முக்கியம்

உடலில் பூச்சி விரட்டியை தடவவும் சில ஸ்ப்ரேக்கள் ஆடைகள் அல்லது படுக்கையில் கூட பயன்படுத்தலாம்

இருண்ட நிற ஆடைகளை கொசுக்கள் ஈர்க்க செய்யும். அதனால் அதை தவிர்க்கவும்.

வீடுகளிலும் அலுவலகத்திலும் கொசு வலைகள் நுழைவதை தடுக்கவும். மேலும் படுக்கையை சுற்றி கொசு வலைகள் போட வேண்டும்.

சுற்றுச் சூழலை சுத்தமாக வைத்திருங்கள். டெங்கு கொசுக்கள் சுத்தமான நீரில் முட்டையிடும் என்பதால் நீரை அதிகம் சேமித்து வைக்க வேண்டாம் நீரை சேமித்து வைப்பதை தவிர்க்கவும். இது பூச்சிகளின் இனப்பெருக்க இடமாக மாறும்.

விடியற்காலையில் வெளியில் செல்வதை தவிர்க்கவும்.

வீடுகளில் இயற்கை மூலிகை புகை போடலாம். குழந்தைகளும் வயதானவர்களும் சருமம் முழுவதும் மறைக்கும் ஆடைகளை அணியலாம்.