திருவாரூர்: நகர்ப்புற தேர்தலில் போட்டியிடுவோரிடம் அ.தி.மு.க. விருப்ப மனு

நகர்ப்புற உள்ளாட்சி தேர்தலில் அ.தி.மு.க. சார்பில் போட்டியிட விருப்பம் உள்ளவர்களிடம் விருப்ப மனுக்கள் கடந்த நான்கு தினங்களாக பெறப்பட்டு வந்தது நிலையில் கடைசி நாளான இன்றைய தினம் திருவாரூரில் மாவட்ட செயலாளரும், முன்னாள் அமைச்சருமான இரா. காமராஜ் கலந்துகொண்டு விருப்ப மனுக்களை பெற்றுக்கொண்டார்.

இந்நிகழ்ச்சியின் போது பேசிய இரா.காமராஜ் தெரிவிக்கையில்

தற்போது டெல்டா மாவட்டங்களில் கனமழை காரணமாக நெற்பயிர்கள் மூன்று முறைக்கும் மேல் மூழ்கி முழுமையாக சேதம் அடைந்து உள்ளது. எனவே ஹெக்டேருக்கு 20 ஆயிரம் என்பது ஏக்கருக்கு 20 ஆயிரம் என்ற விதத்தில் நிவாரண தொகையாக விவசாயிகளுக்கு வழங்க வேண்டும், மேலும் நெல் கொள்முதல் நிலையங்களில் சேமிக்கப்பட்டுள்ள நெல் அரவைக்கு அனுப்பப்படாமல் நனைந்து சேதம் அடைந்து வருகிறது. எனவே சேமிக்கப்படும் நெல்லை காலதாமதம் செய்யாமல் உடனடியாக அரவைக்கு அனுப்பினால் மட்டுமே அடுத்த பருவத்தில் நெல் கொள்முதல் செய்வதற்கு ஏதுவாக இருக்கும். எனவே அரசு இதுபோன்ற நடவடிக்கைகளை உடனடியாக மேற்கொள்ள வேண்டும் என்றார்.

இந்நிகழ்ச்சியில் மாவட்ட பொருளாளர் ஏ.என்.ஆர்.பன்னீர்செல்வம், முன்னாள் நாடாளுமன்ற உறுப்பினர் கோபால் உள்ளிட்ட கழக உறுப்பினர்கள் உடன் இருந்தனர்.