தலைமை ஆசிரியர் இடமாற்றத்தை ரத்து செய்யக்கோரி மாணவர்கள் போராட்டம்

காஞ்சிபுரம் மாவட்டம் ஸ்ரீபெரும்புதூர் வட்டம் இடையார்பாக்கம் கிராமத்தில் இயங்கி வருகிறது ஊராட்சி ஒன்றிய தொடக்கப்பள்ளி. இங்கு ஒன்று முதல் ஐந்து வகுப்பு வரை சுமார் 150 மாணவர்கள் அருகில் உள்ள கிராமங்களில் உட்பட இருந்து வந்து மாணவ மாணவியர்கள் கல்வி பயின்று வருகின்றனர்.

இங்கு பணிபுரிந்து வந்த தலைமையாசிரியர் ஜெயந்தி இந்த கல்வியாண்டு இடமாற்றம் செய்யப்பட்டதை அறிந்து அதனை ரத்து செய்யக்கோரி பெற்றோர்கள் மாணவர்களுடன் கடந்த திங்கட்கிழமை மாவட்ட ஆட்சியரை சந்தித்து மனு அளித்தனர்.

இந்நிலையில் இன்று தமிழக முழுவதும் தொடக்கப் பள்ளிகள் கோடை விடுமுறைக்கு பின் தொடங்கப்பட்ட நிலையில் அந்த தலைமை ஆசிரியர் பணிக்கு வராததால் பள்ளியில் செல்லாமல், பெற்றோர்களுடன் மாணவர்கள் மீண்டும் அதே தலைமை ஆசிரியர் தங்கள் பள்ளிக்கு தேவை என கூறி பள்ளி வகுப்பினை புறக்கணித்துள்ளனர்.

இது குறித்து தகவல் அறிந்த சுங்குவார்சத்திரம் காவல் ஆய்வாளர் சங்கர் பெற்றோர்களிடம் பேச்சுவார்த்தையில் ஈடுபட்டு வருகிறார்.

பெற்றோர்கள் கூறுகையில் தலைமை ஆசிரியை ஜெயந்தி இப்பள்ளிக்கு வராவிட்டால் அருகில் உள்ள கிராமங்களிலே நாங்கள் எங்கள் குழந்தைகளை சேர்த்துக் கொள்ளும் வகையில் டிசி பெற்று செல்வோம் என தெரிவித்து வருகின்றனர்

இந்நிலையில் பள்ளி தலைமை ஆசிரியர் ஜெயந்தி பள்ளிக்கு வந்து பெற்றோர்கள் மாணவர்களுடன் சமாதான பேச்சு நடத்திய போது பெற்றோர்கள் கூறுகையில், தலைமையாசிரியை இடமாற்றத்தை ரத்து செய்து மீண்டும் அவர் இந்த பள்ளிக்கு வந்தால், தங்கள் குழந்தைகளை பள்ளிகளுக்கு அனுப்புவோம் எனவும் அது நடைபெறும் வரை நாங்கள் பள்ளிகளுக்கு அனுப்ப மாட்டோம் எனக்கூறி தொடர்ந்து போராட்டத்தில் ஈடுபட்டு வருகின்றனர்.