திண்டுக்கல் மாநகராட்சியில் 48 வார்டுகளுக்கு வாக்காளர் பட்டியல் வெளியீடு

ஊரக உள்ளாட்சித் தேர்தல் விரைவில் நடைபெற உள்ள நிலையில், திண்டுக்கல் மாநகராட்சியில் 48 வார்டுகளில் வாக்காளர் பட்டியல் இன்று மாநகராட்சியில் ஆணையாளர் சிவசுப்பிரமணியன், அங்கீகரிக்கப்பட்ட அனைத்து கட்சியின் பிரதிநிதிகள் முன்னிலையில் வெளியிட்டார்.

அதன்படி, மாநகராட்சி 48 வார்டுகளில் மொத்தம் ஒரு லட்சத்து 81 ஆயிரத்து 670 பேர் வாக்களர்களாக உள்ளனர். இதில் ஆண் வாக்காளர்கள் 82 ஆயிரத்து 115 பேரும், பெண்கள் 93 ஆயிரத்து 522 பேரும், மூன்றாம் பாலினத்தவர் 33 பேரும் வாக்காளர்களாக உள்ளனர்.

இதுகுறித்து, மாநகராட்சி ஆணையாளர் சிவசுப்பிரமணியம் செய்தியாளரிடம் பேசும்போது, மாநகராட்சியில் உள்ள 48. வார்டுகளில் 136 பாகங்கள் உள்ளன. 183 வாக்கு மையங்கள் உள்ளன. ஆர்டிஓ மூலம் வாக்காளர் பெயர் நீக்கம், பெயர் சேர்ட்தல் பணிகள் நடந்து வருவதால், அது முடிந்த பின்னர், கூடுதலாக ஒரு வாக்காளர் பட்டியல் இணைப்பு பட்டியலாக சேர்த்து, பின்னர் வெளியிடப்படும். இதுவரை வாக்காளர் பட்டியலில் சேர்த்தல் மற்றும் நீக்கம் தொடர்பாக, 5 ஆயிரத்து 186 மனுக்கள் பெறப்பட்டு பரிசீலனை செய்யப்பட்டு வருகிறது என்றார்.