குடும்பத்தகராறு காரணமாக தாய், மகள் ஒரே புடவையில் தூக்கிட்டு தற்கொலை

செங்கல்பட்டு மாவட்டம் மதுராந்தகம் பார்த்தசாரதி தெருவை சேர்ந்த சம்சுதீன் (45). இவருடைய மனைவி தாஜ் நிஷா (40). இவா்களுக்கு ஷகானா (17) என்ற ஒரு மகள் இருந்தாா். சம்சூதீன் அதே ஊரில் மளிகை கடை நடத்தி வருகிறாா். மகள் ஷகானா பிளஸ் டூ முடித்து விட்டு, கல்லூரியில் சேர விருந்தாா்.

இந்நிலையில் கணவன் மனைவி இடையே சமீபகாலமாக ஏற்பட்ட குடும்ப பிரச்னை காரணமாக இருவரும் கடந்த ஒராண்டாக பேசாமல் ஒரே வீட்டில் வசித்து வந்தனா். கூட்டுக்குடும்பமாக வசித்து வந்த சம்சூதீன், கடந்த மாதம் வாடகை வீட்டிற்கு வந்து மனைவி,மகளுடன் தங்கியிருந்தாா்.

இந்நிலையில் இன்று காலை வழக்கம் போல்,சம்சூதீன் கடைக்கு சென்று விட்டாா்.காலை 10 மணிக்கு மேல் டிபன் சாப்பிட வீட்டிற்கு வந்தாா்.வீட்டு கதவு பூட்டியிருந்தது.நீண்ட நேரம் கதவை தட்டியும் திறக்கவில்லை.இதையடுத்து அக்கம்பக்கத்தினா் உதவியுடன் கதவை உடைத்து உள்ளே சென்று பாா்த்தனா்.அங்கு தாயும்,மகளும் ஒரு அறையில் ஒரே புடவையில் இருவரும் தூக்கிட்டு தற்கொலை செய்து கொண்டு தொங்கினா்.

இதையடுத்து போலீசுக்கு தகவல் தெரிவித்தனா்.மதுராந்தகம் போலீசாா் விரைந்து வந்து தாய்,மகள் உடலை கைப்பற்றி பிரேத பரிசோதணைக்காக மதுராந்தகம் அரசு மருத்துவமனைக்கு அனுப்பி வைத்தனா். அதோடு சம்சூதீனை விசாரணைக்காக போலீஸ் நிலையம் அழைத்து சென்றுள்ளனா்.அவரிடம் தொடா்ந்து விசாரணை நடக்கிறது.