திருவாரூரில் நகர்ப்புற தேர்தல் தொடர்பான தி.மு.க. ஆலோசனை கூட்டம்

திருவாரூர் மாவட்டத்தில் 4 நகராட்சிகள் மற்றும் 7 பேரூராட்சிகள் என மொத்தம் 216 பதவிகளுக்கான தேர்தல் நடைபெற உள்ளது. இந்நிலையில் திருவாரூர் மாவட்டத்தில் உள்ள தி.மு.க. கூட்டணி கட்சிகளுடன் தொகுதி பங்கீடு தொடர்பான ஆலோசனை கூட்டம் திருவாரூர் மாவட்ட பொறுப்பாளரும் தமிழக உணவுத்துறை அமைச்சருமான சக்கரபாணி தலைமையில் நடைபெற்றது.

இந்த கூட்டத்தில் காங்கிரஸ், ம.தி.மு.க, கம்யூனிஸ்ட் கட்சிகள், விடுதலை சிறுத்தைகள், மனிதநேய மக்கள் கட்சி, மனிதநேய ஜனநாயக கட்சி, உள்ளிட்ட கட்சிகளைச் சேர்ந்த மாவட்ட பொறுப்பாளர்கள், செயலாளர்கள் கலந்து கொண்டு தொகுதி பங்கீடு தொடர்பாக ஆலோசனை மேற்கொண்டனர்.