புதிய ஓய்வூதிய திட்டம் ரத்து: முதுநிலைப் பட்டதாரி ஆசிரியர்கள் கோரிக்கை

திமுக தேர்தல் அறிக்கையில் அறிவித்தது போல, புதிய ஓய்வூதிய திட்டத்தை ரத்து செய்து பழைய ஒய்வூதிய திட்டத்தை அமல்படுத்த வேண்டுமென தமிழ்நாடு முதுநிலைப் பட்டதாரி ஆசிரியர் சங்கம் வலியுறுத்தியுள்ளது.

ஜேக்டோ-ஜியோ ஒருங்கிணைப்பாளரும், தமிழ்நாடு முதுநிலை பட்டதாரி ஆசிரியர் சங்கத்தின் தலைவருமான மகேந்திரன் பெரம்பலூரில் செய்தியாளர்களிடம் மேலும் கூறியதாவது:

2017-ஆம் ஆண்டு முதல் 2019 -ஆம் ஆண்டு வரை வெவ்வேறு காலங்களில் ஆசிரியர்களாலும், அரசுப் பணியாளர்களாலும் மேற்கொள்ளப்பட்ட தொடர் போராட்ட இழப்பீடுகளை சரி செய்யும் விதமாக சட்டமன்றத்தில் விதி 110 -இன் கீழ் போராட்ட கால இழப்பீடுகளை சரி செய்து ஆணையிடுவதாக தமிழக முதல்வர் அறிவித்துள்ளதை வரவேற்கிறோம். மேலும் பிரதான கோரிக்கையான திமுக தேர்தல் அறிக்கையில் அறிவித்தது போல், புதிய ஒய்வூதிய திட்டத்தை ரத்து செய்து, பழைய ஒய்வூதிய திட்டத்தை விரைந்து செயல்படுத்த வேண்டும், ஊக்க ஊதிய உயர்வினை தொடர்ந்து வழங்க வேண்டுமெனஎன அவர் வலியுறுத்தினார்.