அதிகளவில் காஞ்சிபுரம் நாடாளுமன்ற தேர்தலில் வாக்களித்த ஆண்கள்..!

காஞ்சிபுரம் நாடாளுமன்ற தொகுதிக்கான வாக்குப்பதிவு நேற்று காலை 7 மணிக்கு மாவட்டத்தில் உள்ள 1932 வாக்குப்பதிவு மையங்களிலும் பலத்த காவல் பாதுகாப்புடன் துவங்கியது.

காஞ்சிபுரம் நாடாளுமன்ற தொகுதியில் காஞ்சிபுரம் உத்தரமேரூர் செய்யூர் மதுராந்தகம் செங்கல்பட்டு திருப்போரூர் ஆகிய ஆறு சட்டமன்றத் தொகுதிகள் அடங்கியுள்ளது. இந்த ஆறு சட்டமன்றத் தொகுதிகளிலும் 8,53,456 ஆன் வாக்காளர்களும் 8 லட்சத்து 95 ஆயிரத்து 107 பெண் வாக்காளர்களும் 33 இதர வாக்காளர்கள் என மொத்தம் 17 லட்சத்து 48 ஆயிரத்து 866 வாக்காளர்கள் தங்களது வாக்குகளை செலுத்த இருந்தனர்.

வாக்குப்பதிவுகள் மெல்ல மெல்ல சூடு பிடிக்க துவங்கி இறுதியாக ஆறு மணியளவில் வாக்குப்பதிவுகள் அனைத்தும் நிறைவு பெற்றது. அவ்வகையில் காஞ்சிபுரம் நாடாளுமன்ற தொகுதியில் 12 லட்சத்து 53 ஆயிரத்து 264 வாக்காளர்கள் தங்கள் ஜனநாயக கடமையை ஆற்றினர்.

ஆறு லட்சத்து 31 ஆயிரத்து 984 ஆண் வாக்காளர்களும் ஆறு லட்சத்து 21 ஆயிரத்து 512 பெண் வாக்காளர்களும் 834 இதர வாக்காளர்களும் தங்கள் வாக்குகளை செலுத்தியுள்ளனர்.

ஆண் வாக்காளர்கள் 74.05 சதவீதமும் , பெண் வாக்காளர்கள் 69.43 சதவீதமும், இதர் 33 சதவீதம் என மொத்தம் காஞ்சிபுரம் மாவட்டத்தில் 71.66 % வாக்குகள் பதிவாகியது

காஞ்சிபுரம் நாடாளுமன்ற தொகுதியில் பெண் வாக்காளர்கள் விட ஆண் வாக்காளர்கள் 5% அதிகம் பேர் தங்கள் வாக்குகளை செலுத்து உள்ளனர்.

மேலும் பத்து லட்சத்திற்கும் மேற்பட்டோர் தங்கள் வாக்குகளை வாக்காளர் அடையாள அட்டை காண்பித்து வாக்கு செலுத்தியும் ஒரு லட்சத்து 43 ஆயிரம் பேர் பிற ஆவணங்களை காட்டியும் காஞ்சிபுரம் நாடாளுமன்ற தொகுதியில் தங்கள் வாக்குகளை செலுத்தியுள்ளனர்.