பாஜக பிரமுகர் உறவினரிடம் ரூ. 70 ஆயிரம் பறிமுதல்

காஞ்சிபுரத்தில் பாஜக எம்எல்ஏ உறவினரிடம் உரிய ஆவணங்கள் இல்லாத ரூ.70ஆயிரம் பணம் பறிமுதல் செய்யப்பட்டது.

கர்நாடக மாநிலம் , பெல்லாரி, நேருகாலனி பகுதியை சேர்ந்தவர் ரவி சங்கர் சுக்லா . இவர் இன்று தனது காரில் உறவினர்களுடன் காஞ்சிபுரம் வந்து கொண்டிருந்தார். அப்பொழுது கீழம்பி பகுதியில் தேர்தல் நிலை கண்காணிப்பு குழுவினர் வாகன சோதனையில் ஈடுபட்டிருந்தனர். அதிகாரிகள், சுக்லா வாகனத்தை நிறுத்தி சோதனை மேற்கொண்டதில் உரிய ஆவணங்களின்றி வைத்திருந்த ரூ.70ஆயிரம் பணம் பறிமுதல் செய்யப்பட்டு வருவாய் கோட்டாட்சியர் அலுவலகத்தில் காஞ்சிபுரம் தேர்தல் அலுவலர் ராஜலட்சுமியிடம் ஒப்படைக்கப்பட்டது. ரவிசங்கர் சுக்லா கர்நாடக பாஜக எம்எல்ஏ பிரமுகரின் உறவினர் என கூறப்படுகிறது.