வாலிபரை கத்தியால் மிரட்டி பணம் பறித்த வழக்கில் தலைமறைவாக இருந்த ரவுடி கைது

வியாசர்பாடியில் வாலிபரை கத்தியைக் காட்டி மிரட்டி பணம் பறித்த வழக்கில் தலைமறைவாக இருந்த ரவுடி கைது

சென்னை வியாசர்பாடி இந்திரா காந்தி நகர் பகுதியைச் சேர்ந்தவர் சுரேஷ் வயது 44 இவர் கடந்த மாதம் 25ஆம் தேதி முல்லைநகர் பேருந்து நிலையம் அருகே சென்று கொண்டிருந்தபோது அவரை கத்தியை காட்டி மிரட்டி ஆயிரம் ரூபாய் பணத்தை மர்ம நபர் பறித்துச் சென்றார்.

இது குறித்து வழக்குப் பதிவு செய்த எம்கேபி நகர் போலீசார் குற்றவாளியை தேடிவந்தனர். சிசிடிவி கேமரா காட்சிகளின் அடிப்படையில் பணம் பறிப்பில் ஈடுபட்டது ஏற்கனவே பல வழக்குகளில் தொடர்புடையவர் கரண் என்பது தெரியவந்தது.

இந்நிலையில் நேற்று முல்லை நகர் சுடுகாடு அருகே எம்கேபி நகர் இன்ஸ்பெக்டர் அம்பேத்கார் உள்ளிட்ட போலீசார் வாகன சோதனையில் ஈடுபட்டு கொண்டிருந்தபோது அவ்வழியாக வந்த வியாசர்பாடி சத்தியமூர்த்தி நகர் பகுதியைச் சேர்ந்த கரண் என்ற கரடி கரண் 29 என்பவரை கைது செய்தனர்.

கடந்தமாதம் கத்தியை காட்டி மிரட்டி பணம் பறித்த வழக்கில் தலைமறைவாக இருந்த கரண் மீது வழக்கு பதிவு செய்த எம்கேபி நகர் போலீசார் அவரை நீதிமன்றத்தில் ஆஜர்படுத்தி சிறையில் அடைத்தனர்.